சேமிப்பு
உங்களின் கனவுகளை நனவாக்குவதற்கான தீர்வுகள் எங்களிடமுண்டு.
முதலீடு மற்றும் பாதுகாப்பு
அதிகபட்ச முதிர்வு வயது
வழங்கப்படும் வயதெல்லை
நீங்கள் இதனை எங்கு கொள்வனவு செய்யலாம்
நாம் எமது சேமிப்புகளுக்கு சிறந்த இலாபத்தினைப் பெற வேண்டும் எனும் கனவுகளைக் கொண்டுள்ளோம். பாரம்பரிய சேமிப்புகளான சேமிப்பு கணக்குகள் மற்றும் நிலையான வைப்புகளே எமது முதல் தெரிவுகளாக உள்ளன. நீங்கள் முதலீடு செய்யும் பணத்திற்கு சிறந்த பலனை இவை தருவதில்லை. AIA savings Plan நீங்கள் காப்புறுதித் திட்டத்துடன் சிறந்த முதலீட்டுத் தெரிவுகளையும் மேற்கொள்ளக் கூடியவாறான இரட்டிப்பு நன்மைகளை உங்களுக்கு வழங்குகின்றது. நீங்கள்இ உங்களுக்கு ஏற்ற சிறந்த இலாபத்தினைத் தரும் ஒரு முதலீட்டுக் கட்டமைப்பினைத் தெரிவு செய்து காப்புறுதிக் காலம் முழுவதும் பாதுகாப்பினையும் உறுதி செய்து கொள்ளுங்கள்.
முதலீட்டுடன் தொடர்புடைய தீர்வூகள் | பணவீக்கப் பாதுகாப்பு
எச்சரிக்கையானது (Cautious), நடுத்தரமானது (Moderate), தீவிரமானது (Aggressive), மற்றும் உயர்தரமானது (Advanced) ஆகிய நான்கு முதலீட்டு உத்திகள் உங்களுக்கு உள்ளன. இவை திறைசேரி உண்டியல்கள் (Treasury Bills) தொடக்கம் பங்குச் சந்தை வரை உங்கள் சேமிப்பு நிதிகளை முதலீடு செய்வதற்கான பாரிய வாய்ப்பை வழங்குகின்றது.
உங்களுக்கும் உங்கள் குடும்பத்திற்கும் ஏற்புடையதாகக் கருதும் பாதுகாப்பு அளவிற்கு ஏற்றவாறு திருத்தியமைக்கக்கூடிய ஆயுள் காப்புறுதியை நாங்கள் உங்களுக்கு வழங்குகின்றோம். இது உங்களின் வருடாந்த அடிப்படைக் கட்டுப்பணத்தின் பெறுமதியைப் போன்று 2 தொடக்கம் 15 வரையான மடங்காக இருக்கும்.
உங்கள் குறைந்தபட்ச அடிப்படைக் கட்டுப்பணங்களை மாதாந்தஇ காலாண்டுஇ அரையாண்டு அல்லது வருடாந்த அடிப்படையில் செலுத்துவதை நீங்களே தீர்மானிக்கலாம். குறைந்தபட்ச வருடாந்தக் கட்டுப்பணம் ரூபா.60000 மற்றும் குறைந்தபட்ச மீள் நிரப்புப் (டொப்-அப்) பெறுமதி ரூபா.60000 ஆகும்.
உங்கள் தனிப்பட்ட தேவைகளுக்குப் பொருந்தும் வகையில் காப்பீட்டை திருத்தியமைக்கக்கூடியவாறான மேலதிக தெரிவுகள் காணப்படுகின்றன.
விபத்துக் காரணமாக உங்களுக்கு மரணம் சம்பவித்தால் அல்லது விபத்துக் காரணமாக உங்களால் தொழில் புரிய இயலாமல் போனால் உங்கள் குடும்பத்திற்கு தேவையான நிதிப் பாதுகாப்பினை வழங்கி அவர்களின் வாழ்க்கை முறை பராமரிக்கப்படுவதை நாம் உறுதி செய்வோம்.
03 நாட்களுக்கு மேல் வைத்தியசாலையில் தங்கியிருந்து சிகிச்சை பெற நேரிட்டால் நாளாந்தப் பணக் கொடுப்பனவாக ரூபா.10000 வரையான அனுகூலத்தை பெறுவீர்கள் (முதலாவது தினம் தொடக்கம்). அவசர சிகிச்சைப் பிரிவில் அனுமதிக்கப்பட்டால் அத்தொகை இரு மடங்காகும். இந்தக் காப்பீட்டினை உங்கள் வாழ்க்கைத் துணை மற்றும் பிள்ளைகளுக்கும் பெற்றுக் கொள்ள முடியும்.
ஆபத்தான சுகவீனங்கள்; உங்களின் உடல் ரீதியான ஆரோக்கியத்தை மாத்திரமின்றி உங்களின் நிதி ஆரோக்கியத்தையும் பாதிக்கும். ஆபத்தான சுகவீனங்களின் காப்புறுதி ஊடாக நாம் 22 பட்டியலிடப்பட்ட ஆபத்தான சுகவீனங்களுக்கு நிதியுதவிகளை வழங்குவோம். ஆகவே, அதிலிருந்து மீட்சி பெறுவதில் உங்களால் கவனம் செலுத்த முடியும்.
இலங்கை, இந்தியா மற்றும் சிங்கப்பூரில் மேற்கொள்ளப்படும் பட்டியலிடப்பட்ட 250 சத்திரசிகிச்சைகளுக்கான நிதி உதவிகளை நாம் இந்தக் காப்புறுதியின் கீழ் உங்களுக்கு வழங்குவோம். இந்தக் காப்பீட்டை உங்கள் வாழ்க்கைத் துணைக்காகவும் பெற்றுக் கொள்ள முடியும்.
திடீர் மரணம் அல்லது தொழில் புரிய இயலாத அங்கவீன நிலை உங்களுக்கு ஏற்பட்டால் உங்களுடைய குடும்பத்திற்கு நிலையான மாதாந்த வருமானம் ஒன்றை வழங்குவோம். (காப்புறுதிக் காலத்தில் அதிகபட்சமாக 10 ஆண்டுகள் வரை)
உங்கள் காப்புறுதியின் ஊடாக உங்கள் வாழ்க்கைத் துணைக்கும் ஆயுள் காப்புறுதி வழங்கப்படும்.
உங்கள் குழந்தைக்கு இலங்கை, இந்தியா மற்றும் சிங்கப்பூரில் மேற்கொள்ளப்படும் பட்டியலிடப்பட்ட 250 சத்திரசிகிச்சைகளுக்கான நிதி உதவிகளை நாம் இந்தக் காப்புறுதியின் கீழ் உங்களுக்கு வழங்குவோம். உங்களின் பிள்ளை 12 வயதிற்குக் குறைந்தவராக இருப்பின் அவர்களுடன் தங்கியிருப்பதற்கும் கொடுப்பனவொன்றை உங்களுக்கு வழங்குகின்றோம்.
நீங்கள் முழுமையாகவும் மற்றும் நிரந்தரமாகவும் அங்கவீனம் அடைந்தால்இ உங்கள் சார்பில் கட்டுப்பணம் செலுத்துவதை நாம் தொடர்ந்து உங்கள் குடும்பத்தின் பாதுகாப்பை உறுதிப்படுத்துவோம்.
ஆயுள் காப்புறுதி செய்யப்பட்டவர்(ஆயுள் காப்புறுதிதாரர்) காப்புறுதியின் உரிமையாளர் அல்லாத பட்சத்தில் காப்புறுதித் திட்டத்தால் வழங்கப்படும் அனுகூலங்கள் காப்புறுதி உரிமையாளருக்கே ஏற்புடையதாக இருக்கும், அதேவேளை காப்புறுதியானது காப்புறுதி செய்யப்பட்டவருக்கே ஏற்புடையதாக இருக்கும். இப்பக்கமானது இத்திட்டத்தின் விளக்க நோக்கங்களுக்காக மாத்திரமே, இக்காப்புறுதித் திட்டத்துடன் தொடர்புடைய முழுமையான விபரங்களைத் தெரிந்து கொள்ள தயவு செய்து காப்புறுதித் திட்ட ஆவணத்தைப் பார்க்கவும்.
நீங்கள் இக்காப்புறுதித் திட்ட ஒப்பந்தத்தைப் பெற்றுக் கொண்ட நாளில் இருந்து (14) நாட்களுக்குள் எங்களுக்கு திருப்பி அளித்தல் மூலமாக இக்காப்புறுதித் திட்ட ஒப்பந்தத்தை இரத்துச் செய்யலாம். அதன் பின்னர் நாங்கள் உங்கள் காப்புறுதித் திட்டத்துடன் தொடர்புடைய செலவினங்களைக் கழித்ததன் பிற்பாடாக உங்களுடைய கட்டுப்பணங்களை உங்களிடம் திருப்பிச் செலுத்துவோம்.
ஆயுள் காப்புறுதிதாரர் முதலாவது காப்புறுதி வருடத்தின் போதோ அல்லது மீள்நிறுவலின் போதோ தற்கொலை செய்து கொண்டால் (அச்சமயத்தில் சித்தசுவாதீனம் அற்றவராகவோ அல்லது வேறு ஏதேனும் காரணத்தினாலோ);
• நாங்கள், நீங்கள் செலுத்திய கட்டுப்பணங்களை உங்களது காப்புறுதித் திட்டத்துடன் தொடர்பான செலவினங்களைக் கழித்ததன் பிற்பாடு உங்களுக்குச் செலுத்துவோம்; அல்லது
• காப்புறுதித் திட்டமானது 3ம் நபருக்கு மாற்றப்படும் போது, காப்புறுதித் திட்டத்திற்கு செலுத்தப்பட்ட பணத்தை மீட்பதற்கு வேறு எந்தவொரு வழியும் இல்லை என்பதை 3ம் நபர் நிரூபிக்கும் பட்சத்தில் அவருக்கு நாங்கள் கொடுப்பனவைச் செலுத்துவோம் (காப்புறுதிதாரர் இறக்கும் போது வேறு ஏதேனும் வகையில் செலுத்தப்படக் கூடியதான தொகையை விட அதிகமாக இருத்தல் ஆகாது)
ஏதேனும் போர், ஆக்கிரமிப்பு, வெளிநாட்டு எதிரிகளின் செயற்பாடு, படை நடவடிக்கைகள் அல்லது யுத்தச் செயற்பாடுகள், சிவில் யுத்தம், படைக்கலகம், கலவரம், வேலை நிறுத்தம், மக்கள் கிளர்ச்சிக்குச் சமமான சிவில் அமைதியின்மை, இராணுவப் புரட்சி, கிளர்ச்சி, கலகம், இராணுவப் புரட்சி அல்லது அதிகார அபகரிப்பு, அரசாங்கத்தைப் பலாத்காரமாக அகற்றுவதை நோக்கமாகக் கொண்டதோ அல்லது அதை பயங்கரவாதம் அல்லது வன்முறை மூலமாக அவ்வாறாக அகற்றுவதற்குப் பாதிப்பளிக்கும் வகையில் செயற்படுகின்ற ஏதேனும் ஒர் நிறுவனத்துடன் தொடர்புடைய அல்லது அந்நிறுவனம் சார்பாக செயல்படுகின்ற ஏதேனும் ஒரு நபருடைய ஏதேனும் ஒரு செயல்; ஆகியற்றில் ஆயுள் காப்புறுதிதாரர் ஈடுபாட்டுடன் பங்கேற்றால் அல்லது பங்கேற்க முயற்சி செய்வதன் விளைவாக ஆயுள் காப்புறுதிதாரரின் இறப்பு நிகழ்ந்தால் மட்டுமே கையளிப்புப் பெறுமதியை நாங்கள் செலுத்துவோம்.
மரண இழப்பீட்டுக் கோரிக்கைக்கான காரணமானது மனித நோய் எதிர்ப்புத் திறன் குறைபாட்டு நோய்க்கூட்டுக்குறி (AIDS) ஆகவோ மனித நோயெதிர்த்திறனழித் தீநுண்மம் (HIV) ஆகவோ இருந்தால் நாங்கள் உங்களது மரணத்திற்கான அறிவித்தலைப் பெறும் திகதியில் அது நடைபெற்றதாக இருந்தால் மட்டுமே முதலீட்டுக் கணக்கின் மீதியை நாங்கள் செலுத்துவோம்.
முதல் மூன்று காப்புறுதி வருடங்களின் போது உங்களினுடைய கட்டுப்பணங்களை இறுதித் திகதியில் செலுத்த மாட்டீர்கள் எனில் நீங்கள் மேலதிகமாக முப்பது (30) நாட்கள் கட்டுப்பணங்களைச் செலுத்துவதற்காகப் பெறுவீர்கள்.
காப்புறுதி ஆரம்பிக்கப்பட்டதன் பிற்பாடு மேலதிக சுகாதார அனுகூலங்களை அனுபவிப்பதற்காக 3 மாதங்கள் தாமதிப்புக் காலமாக இருக்கும். அன்ஜியோபிலாஸ்டி அனுகூலத்திற்காக இக்காலம் 12 மாதங்களாக இருக்கும்.
உங்களினுடைய காப்புறுதியானது கையளிப்புப் பெறுமதியை அடைந்ததன் பிற்பாடு முதலீட்டுக் கணக்கின் மீதியில் இருந்து உங்களால் 15%வரை எடுக்க முடியும்.