රාත්‍රී නින්දෙන් පසු අවදිවීමේදී ඔබට ප්‍රබෝධමත් ගතියක් නොදැනේ නම් එයට හේතුව ඔබේ නින්ද නිසි ලෙස සෞඛ්‍යමත් නින්දක් නොවීම වියහැක.
රාත්‍රියට සුවපහසු නින්දක් නොලැබීමේ හේතු
- ශාරීරික වේදනාව
- නිතර මුත්‍රා පිටවීම
- නින්දට පෙර තේ, කෝපි, මත්පැන් භාවිතය
- විවිධ ඖෂධ
- නින්ද ලබන පරිසරය සුවපහසු නොවීම
- මානසික ආතතිය
- දිවා කාලයේ අධික වෙහෙස
රාත්‍රී කාලයේ යහපත් නින්දක් ලබාගන්නේ කෙසේද?
- යහපත් වන රටාවකට (ආහාර, ක්‍රියාශීලිවීම, විවේකය) හුරුවීම
- නිදිමත දැනුනවිට පමණක් නින්දට යෑම
- එකම වේලාවකට නින්දට යෑමට හා අවදිවීමට පුරුදුවීම
- රාත්‍රී කාලයේ තේ, කෝපි, මත්පැන් භාවිත නොකිරීම
- සුවපහසු නිදි පරිසරයක් සැකසීම
- නිදන කාමරය නින්දට පමණක් භාවිතය
- දිවාකල විනෝදාංශයක යෙදීම
- ඔබ ගන්නා ඖෂධ පිළිබඳ දැනුවත්වීම
- මානසික ආතතිය ඇති බව ඔබට හැගේ නම් ඒ පිළිබඳ වෛද්‍ය උපදෙස් පැතීම
- වෙනත් ශාරීරික අපහසුතා ඇත්නම් ඒ පිළිබඳ වෛද්‍ය උපදෙස් පැතීම
- නින්දට පෙර ශරීරය පිරිසිදු කරගැනීම, පිරිසිදු ඇඳුම් භාවිතය
මෙවන් සරල ක්‍රම මගින් ඔබගේ දිවා කාලයේ අධික නිදිමත පහව නොයයි නම් ඒ පිළිබඳව වෛද්‍ය උපදෙස් පැතීම සුදුසු වේ.
ඔබ වයස අවුරුදු 40ට වැඩි පුද්ගලයෙකු නම් දියවැඩියාව, අධික රුධිර පීඩනය, කොලෙස්ටරෝල් ප්‍රමාණය පිළිබඳ පරීක්‍ෂා කරගත යුතුවේ. ඔබගේ ශරීරය ස්ථූලතාවයට පත්ව ඇත්නම් හෝ අලසකම අධිකව දැනේ නම්, සීතල දරා ගැනීමට අපහසු තත්ත්වයක් දැනේ නම් ඔබගේ තයිරොයිඞ් ග්‍රන්ථියේ ක්‍රියාකාරිත්වය පිළිබඳව සැලකිලිමත් විය යුතුය. එමෙන්ම රුධිරගත හිමෝග්ලොබින් ප්‍රමාණය පිළිබඳවද සොයා බැලිය යුතුය. විශේෂයෙන් ඔබ නින්දෙන් ගෙරවීම සිදුකරන පුද්ගලයකු නම් ඒ පිළිබඳ Sleeping Study පරීක්‍ෂණවලට යොමුවීම අවශ්‍ය විය හැක. දිවාකල අධික නිදිමත දැනීම සරල ක්‍රම මගින් විසඳාගත නොහැකියැයි ඔබට හැගේ නම් ඔබගේ පුවුලේ වෛද්‍යවරයා හමුවී වැඩිදුර උපදෙස් පැතීම හා සුදුසු ප්‍රතිකාර ක්‍රමවලට යොමුවීම අවශ්‍ය වියහැකිය.
