සුව නින්ද ඔබේ ශරීරයට අලංකාරය ගෙන දෙන බව ඔබ දැන සිටියා ද?        

අප, අපගේ සම සහ අලංකාරය රැක ගැනීමට සහ ඔප නැංවීමට, ක්‍රීම් සහ තෙල් වර්ග ආලේප කිරීම වැනි විවිධාකාරී දේ කරනවා. නමුත් ඔබ දැන සිටියා ද, ලස්සනට සිටීමේ සරලම පිළිතුර නින්ද බව? එයට හේතුව නම් ඔබ නිදා සිටිය දී  ඔබගේ ශරීරය ස්වයංක්‍රියව එයම අළුත්වැඩියා කර යථා තත්ත්වයට පත්කරගන්නා බැවිනි. සැබවින්ම මෙම ක්‍රියාවලියෙන් ඔබේ ශරීරයට හිමි වන ප්‍රතිලාභ රැසකි!

ප්‍රමාණවත් විවේකයක් ලබා ගැනීමෙන් ඔබේ පෙනුම වඩන සහ රැක දෙන ප්‍රතිලාභ කිහිපයක් මෙන්න.

හමේ රැළි අඩුවේ

ඔබ නිදා සිටින විට සම නව කොලජන් සාදයි. එසේ නිපදවන කොලජන් සමේ අලුත්වැඩියා කිරීමේ ක්‍රියාවලියේ කොටසක් වන අතර ඒ මගින් සම පෘෂ්ටිමත්  වන අතර රැළි වැටීමට ඇති ඉඩකඩ අවම කරයි.

අවම පැය 7ක නින්දක් ලබන්නකු හා සසඳන කල, රාත්‍රියකට පැය 5 ක නින්දක් පමණක් ලබා ගැනීමෙන් හමේ රැලි වැටීම දෙගුණයකින් ඉහළ යනු ඇත. එපමණක් නොව, ඔබේ සම වියළී වීමටද මෙය බලපාන අතර වියළි හමක රැළි වැඩි වශයෙන් මතුවී පෙනේ.

දිදුලන පෙනුමක්

ඔබ නිදා සිටිය දී ඔබේ ශරීරය මගින් සමට රුධිර ප්‍රවාහය වැඩි කරයි. එහි ප්‍රතිඵලයක් ලෙස ඔබ අවදි වන විට ඔබේ සමේ නිරෝගී දිදුලන බවක් පෙන්නුම් කරයි.  ඔබේ සිරුරට අවැසි නින්ද නො දෙන විට එහි පෙනුමේ අඳුරු, අළු හෝ අප්‍රාණික බවක් ඇතිවේ.

නින්ද නො ලැබීම නිසා ඔබේ මුහුණ වටා ඇති සමට ද  රුධිර ප්‍රවාහය අඩු වන නිසා, ඔබේ සම අඳුරු වූ විට ඔබේ කම්මුල් හි සුකුමල් පෙනුමද පහව යනු ඇත.

දීප්තිමත් නෙත්

එක් රාත්‍රියකට හෝ ඔබේ නින්ද අහිමි වූවා නම්, ඔබේ ඇස් යට අඳුරු කව හෝ ප්‍රදේශ හටගන්නට පුළුවන්.  අපට නින්ද අහිමි වූ විට එහි ප්‍රථම ඵලය වන්නේ නෙරපුනු දෑස් ය.  සුව නින්දක් ලබා ගැනීමට පෙර ප්‍රමාණවත් ජල ප්‍රමාණයක් පානය කිරීමටත්, කොට්ටයක උපකාරයෙන් හිස් ඔසවා තබා ගැනීමටත් අමතක නො කරන්න. එය ඇස් වටා ඉදිමීම අඩු කිරීමට උපකාරී වේ.

නිරෝගී කෙස් කලඹකට

නිසි නින්දක් නො ලැබීම ඔබේ හිස කෙස් වර්ධනය වීමට හා ශක්තිමත් ව සිටීමට අවශ්‍ය පෝෂ්‍ය පදාර්ථ හිසකෙස් මගින් ලබා ගැනීමේ අවස්ථාව අහිමි කරයි. මෙහි ප්‍රතිඵලය වන්නේ හිසකෙස් කැඩීම, හානිවීම සහ වැටීමයි. හිස කෙස් වැටීම මානසික ආතතියට හේතු විය හැකි අතර අවසානයේ දී ඔබගේ පෙනුමට හා ආත්ම විශ්වාසයට ද අහිතකරව බලපායි.

රූපලාවණ්‍ය නිෂ්පාදන වඩා හොඳින් ක්‍රියා කරයි

ඔබ රාත්‍රියේ දී මොයිස්චරයිසර් හෝ රූපලාවණ්‍ය ප්‍රතිකාර භාවිතා කරන්නේ නම්, ඒවායේ උපරිම ඵල අත්විඳින්නට ඔබේ සම නිරෝගී ව හා සජලීකරණය කර තබා ගන්න.   වෙහෙසට පත් සමට නිසි ලෙස සංසරණය හා සජලිකරණ ගුණ නොමැති බැවින් මෙම නිෂ්පාදන වල උපරිම ඵල භුක්ති විදීමට නො හැකි වේ.

ප්‍රමාද නොවී නිදා ගැනීමටත් උදෑසන අවදි වන්නටත් උත්සාහ කරන්න

ඔබ ප්‍රමාද නොවී නින්දට යාමෙන් සහ උදෑසන අවදි වීමෙන් ලබන නින්ද, ඔබට දිදුලන පෙනුමක් හිමි කර දෙයි. එබැවින් රාත්‍රි 8 ට නින්දට යාම. උදේ 5 ට අවදි වීම ඔබව අලංකාර කිරීමේ නින්දක් සඳහා සුදුසු ම කාලසටහනයි.

එහි දී පළමු පැය තුන තුළ ඔබේ ශරීරය නැවත විජලනය කර රුධිර ප්‍රවාහය උත්තේජනය කරනු ඇත. දෙවන පැය දෙක සමෙහි පෝෂණය හා පුනර්ජීවනය පිළිබඳ වේ. ඉතිරි පැය දෙක ඔබට ලැබෙන ප්‍රසාද විවේකයයි.

ඔබේ පසු පිට මත නිදා ගන්න

මෙය බොහෝ චර්ම රෝග විශේෂඥයින් එක හෙළා නිර්දේශ කරන රූපලාවණ්‍ය රහසක් වේ. සාමාන්‍යයෙන් කාලයත් සමග ඔබේ මුහුණට එල්ලවන පීඩනය හා තෙරපීම හේතුවෙන් එහි රැළි හට ගැනීම සිදුවේ. නමුත්  ඔබේ පසු පිට මත නිදා ගැනීම මගින් ඔබේ මුහුණ මතට කිසිදු පීඩනයක් යොමු නොවේ.

ඔබ ඇලයට නිදා ගන්නා පුද්ගලයකු නම් සහ දිශාව හුවමාරු කර නො ගන්නේ නම්,  ඔබේ මුහුණේ එක් පැත්තක් අනෙක් පැත්තට වඩා වයසැති පෙනුමක් හට ගත හැකයි!