AIA රක්ෂණ සමාගමේ AIA Premier Agency Circle (PAC)හි, සමාරම්භක උළෙල එම සමාගමේ කලාප ප්‍රධාන විධායක නිලධාරී බිල් ලයිල්, ප්‍රධාන විධායක නිලධාරී පංකජ් බැනර්ජි සහ නියෝජ්‍ය ප්‍රධාන විධායක නිලධාරී උපුල් විජේසිංහ යන මහත්වරුන්ගේ ප්‍රධානත්වයෙන් යුතුව නොබෝදා පවත්වන ලදී. AIA හී විශිෂ්ට හැකියාවන් පෙන්නුම් කරනා නව අලෙවි කරුවන් සඳහාම සුවිශේෂී වූ මෙම PAC කාර්යාලය, කොළඹ නගරය කේන්ද්‍ර කරගත් ප්‍රධාන ව්‍යාපාර මධ්‍යස්ථානයක ස්ථාපිතව ඇත.

ලොව පුරා විවිධ රටවල ජූනි 8 වැනිදා ‘ජගත් සාගර දිනය’ සමරන ලද අතර, කළුතර කැලිඩෝ වෙරළ පිරිසිදු කරමින් AIA ශී‍්‍ර ලංකා කාර්යමණ්ඩල සාමාජිකයින් ද මිහිතලය වඩාත් යහපත් තැනක් බවට පත් කිරීම සඳහා වන ඒ විශ්ව වැඩසටහනට එක් වූහ.

ශී‍්‍ර ලාංකිකයන් අතරින් 95%ක් සිය සෞඛ්‍යය වැඩිදියුණු කරගැනීමට කළ හැකි බොහෝ දේ ඇති බව පිළිගෙන ඇති නමුත් සැබැවින්ම සෞඛ්‍ය සම්පන්න දිවියක් සඳහා සැලකිය යුතු පියවර ගනු ලැබ ඇත්තේ ඔවුන් අතරින් 8%ක් පමණි! මේ බව අනාවරණය වූයේ AIA සමූහය 2016 වසරේ ආසියාව පුරා සිදු කරන ලද නිරෝගී ජීවන රටා දර්ශක සමීක්ෂණයේ ශී‍්‍ර ලංකාව සඳහා ලබාගත් ප‍්‍රතිඵල තුළින්ය. මෙම සමීක්ෂණයේදී සෞඛ්‍ය සම්පන්න ජීවන රටාවක වැදගත්කම පිළිබඳව ශී‍්‍ර ලාංකිකයින්ට ඉහළ අවබෝධයක් ඇති නමදු, ඔවුන් සැබැවින්ම ඒ සම්බන්ධයෙන් කිසිදු සැලකිල්ලක් නොදක්වන බව පෙනී ගොස් ඇත.