COVID-19 හේතුවෙන් පීඩාවට පත් AIA ඉන්ෂුවරන්ස් ඔප්පු හිමියන්හට සහන ක්‍රියාමාර්ග

ශ්‍රී ලංකා රක්ෂණ නියාමන කොමිසම මගින් ප්‍රකාශයට පත්කරන ලද උපදේශනයන්ට අනුකූලව, වර්තමාන COVID-19 පැතිරීම හේතුවෙන් පීඩාවට පත්ව සිටින රක්ෂණ ඔප්පු හිමියන්හට සහනදායක  ක්‍රියාමාර්ගයක් ප්‍රදානය කරමින්,  2020 මාර්තු මස 01 දා සිට ජූනි මස 30 දක්වා කාලය අතරතුර ගෙවීමට නියමිත වාරික මුදල් ගෙවීම සඳහා දීර්ඝ කල කාලසීමාවක් ලබා  දී  තිබේ.

මෙම පහසුකම මනා පරිපාලනයකින් යුක්තව ක්‍රියාත්මක කිරීම සඳහා,  AIA ඉන්ෂුවරන්ස් ලංකා සමාගම  COVID-19 හේතුවෙන්  පීඩාවට පත්ව මෙම  සහන ලබාගැනීමට බලාපොරොත්තු වන සමාගමේ  ජීවිත රක්ෂණ ඔප්පු හිමියන්ගෙන් පහත සඳහන් මාර්ගෝපදේශ පිළිපදින ලෙස, ඉල්ලා සිටියි.  (COVID-19 සහන වැඩසටහන)

දැන්විය යුතු ආකාරය :

AIA ඉන්ෂුවරන්ස් සේවාලාභීන්හට සමාගම වෙත ලිඛිත ලියවිල්ලක් යොමුකළ හැකි අතර එය covidsupportlk@aia.com යන විද්‍යුත් තැපැල් ලිපිනයට යොමු කරන්න.  පරිපාලන කටයුතුවල පහසුව සඳහා එම ලිඛිත ලියවිල්ලේ පහත සඳහන් විස්තර ඇතුළත් කරන්න.  වැඩි විස්තර දැනගැනීමට අවශ්‍ය නම් 0112 310 310 ඔස්සේ අපගේ ඇමතුම් මධ්‍යස්ථානය හා සම්බන්ධ විය හැකිය.

• සේවාලාභියාගේ සම්පූර්ණ නම
  
• ජාතික හැඳුනුම්පත් අංකය
  
• සම්බන්ධ කර ගැනීම සඳහා විස්තර (විද්‍යුත් තැපැල් ලිපිනය,ජංගම දුරකථන අංකය, නිවසේ ලිපිනය)
  
• රක්ෂණ ඔප්පු අංකය (රක්ෂණ ඔප්පු කිහිපයක් ඇති ඔප්පු හිමියෙක් නම් එක් එක් ඔප්පු අංකය සඳහා වෙන වෙනම විස්තර යොමුකළ යුතුයි)
• COVID-19 සහන වැඩසටහන සඳහා අදාළ රක්ෂණ වාරිකය /වාරික ගෙවියයුතු ඊළඟ දිනය/දිනයන් 
  
• සේවාලාභී ප්‍රභේදය  [2017 පෙබරවාරි 28 දිනට පෙර ආරම්භ කල රක්ෂණ ඔප්පු සහිත සේවාලාභීන්/2017 පෙබරවාරි 28 දිනට පසු එහෙත් 2019 පෙබරවාරි 28 දිනට පෙර ආරම්භ කල රක්ෂණ ඔප්පු සහිත සේවාලාභීන්,2019 පෙබරවාරි 28 වනදාට පසු ආරම්භ කල රක්ෂණ ඔප්පු සහිත සේවාලාභීන් 
  
• මෙම සහන ඉල්ලුම් කිරීම සඳහා හේතු වූ කරුණු පිලිබඳ තොරතුරු. (ඒ පිළිබඳව කරුණු සොයා බැලීමට සමාගමට පහසුවන පරිදි, COVID-19 හේතුවෙන් ඔබට මෙම සහන සඳහා ඉල්ලුම් කිරීමට මූලික වූ කරුණු  සැකෙවින් විස්තර කරන්න. එමෙන්ම එය ඔප්පු කිරීම සඳහා සාක්ෂි වශයෙන් යම් තොරතුරක් ඇත්නම් එය ඉදිරිපත් කරන්න)
  
• ඔබ ඉල්ලුම් කරන සහන කාල සීමාව කුමක්ද? (මාසයක්,මාස දෙකක්, මාස තුනක්)
  
• ඔබගේ හිග වාරික නැවත ගෙවීම් කිරීමට සැලසුම් කරන්නේ කෙසේද? (සම්පූර්ණ හිග වාරික ප්‍රමාණය 4 වන මාසයේ දී ගෙවා නිම කිරීම/ සම්පූර්ණ හිග වාරික වලින් 50% ක් 4 වන මාසයේදීත් එනම් මට අදාළ COVID-19 සහන වැඩසටහන යටතේ  එම කාල සීමාව අවසානයේදී  සහ ඉතිරි 50%  ඒ හා සමගම එලඹෙන මාසයේදීත් ගෙවා නිම කිරීම)    

සැලකිය යුතුයි : AIA  ඉන්ෂුවරන්ස් සේවාලාභීන්හට  COVID-19 සහන වැඩසටහන යටතේ හිඟ මුදල් ගෙවා නිමකිරීමට එම සහන කාලය  අවසානයේ සිට මාස දෙකක උපරිම කාලයක්  ලබාදෙනු  ඇත.  මෙම මාස දෙකක කාලසීමාව ඇතුළත ඔබේ හිග වාරික සියල්ල ගෙවා නිම කිරීම මගින් මෙම කාලසීමාවෙන් පසුව ඔබගේ වටිනා රක්ෂණ ඔප්පුව අක්‍රීය තත්ත්වයට පත් නොවී පවත්වාගෙන යාමට ඔබට හැකිවනු ඇත

දැනුම් දිය යුතු දිනය:

පරිපාලන කටයුතුවල පහසුව සඳහා කරුණාකර ඔබේ ලිඛිත ලියවිල්ල 2020 මැයි මස 15 වන දා හෝ ඊට ප්‍රථම සහ COVID-19 සහන වැඩසටහනට  අදාළ ඔබගේ අදාළ වාරික ගෙවා නිම කලයුතු දිනට පෙර  AIA ඉන්ෂුවරන්ස් සමාගම වෙත ලැබීමට සලස්වන්න.

ඔබගේ ලිඛිත ලියවිල්ල යොමුකළ පසු සිදුවන්නේ කුමක්ද:

වැඩිදුර විස්තර/පැහැදිළිකිරීම් අවශ්‍ය වුවහොත්,  AIA ඉන්ෂුවරන්ස් ඒ පිළිබඳව ඔබ හා සම්බන්O වනු ඇත.  සියළු විස්තර සම්පූර්ණ කල ඔබගේ ලිඛිත ලියවිල්ල  අපට ලැබී වැඩ කරන දින 5 ක් ඇතුළත දී AIA ඉන්ෂුවරන්ස් සමාගම, ඔබට ප්‍රතිචාර දක්වනු ඇත.

COVID-19 සහන වැඩසටහන තුළ අදාළ කොන්දේසි:

ඔබගේ රක්ෂණ ඔප්පුවට පහත සඳහන් කොන්දේසි අදාළ වනු ඇත 

• COVID-19 සහන වැඩසටහන ඔබට අදාළ වන කාල සීමාව තුලදී ඔබට යම්කිසි හිමිකම් පෑමක් හෝ ප්‍රතිලාභ ගෙවීමක් ලැබීමට නියමිත නම් එම ගෙවීම එදින වනවිට ඇති සියළු හිග වාරික අඩු කර ගැනීමෙන් පසුව සිදු කෙරෙනු ඇත.  
• COVID-19 සහන වැඩසටහන ඔබට අදාළ වන කාල සීමාව තුලදී රක්ෂණ ඔප්පුවල පූර්ණත්ව වටිනාකමට සිදුවන යම් බලපෑමක් සියළු හිඟ වාරික මුදල් ගෙවා නිම වූ පසු යථා තත්ත්වයට පත්විය හැකිය. සමාගමේ පාලනයෙන් ඉක්මවා ගිය අවස්ථාවක දී එනම් වාරික ආයෝජනයන් සිදු කෙරෙන දිනය අනුව, ආයෝජන ප්‍රතිලාභ කෙරෙහි ඍණාත්මක බලපෑම් ඇතිකරන අවස්ථා වලදී හැර.
• සහන වැඩසටහනේ කාල සීමාවට අනුකූලව වාරික නොගෙවා සිටීමෙන්  ඔබගේ වටිනා රක්ෂණ ඔප්පුව අක්‍රීය තත්ත්වයට පත්විය හැකිය.

AIA ඉන්ෂුවරන්ස් ලංකා ලිමිටඩ්