අපගේ නායකත්ව කණ්ඩායම

උපුල් විජේසිංහ මහතා ජීවිත රක්ෂණ ව්‍යාපාරයෙහි ඍජු විකුණුම් බෙදාහැරීම් අංශයෙහි ප්‍රධානියා ලෙස කටයුතු කරයි.  එමෙන්ම ඔහු සමාගමේ නියෝජ්‍ය ප්‍රධාන නිලධාරී වශයෙන්ද කටයුතු කරයි.  ඔහු කොළඹ විශ්ව විද්‍යාලයෙන් ගෞරව සහිතව විද්‍යාවේදී උපාධියක් ලබා ඇති අතර එක්සත් රාජධානියේ වරලත් රක්ෂණ ආයතනයේ සහකරුවෙකි. ආයුගණක විද්‍යාව පිළිබඳ පශ්චාත් උපාධි ඩිප්ලෝමාවක් ද ලබා ඇති ඔහු ස්විට්සර්ලන්තයේ කළමනාකරණ සංවර්ධන ජාත්‍යන්තර මධ්‍යස්ථානයේ ආදි ශිෂ්‍යයෙකි. ඔහු 2002 සහ 2003 වසරවල ශ්‍රී ලංකා රක්ෂණ ආයතනයේ සභාපතිවරයා වූ විජේසිංහ මහතා සතුව රක්ෂණ ක්ෂේත්‍රයේ වසර 26 කට වැඩි කළමනාකරණ පළපුරුද්දක් ඇත.

උමේෂි ද ෆොන්සොකා මහතා සමාගමේ තොරතුරු තාක්ෂණ අංශය සඳහා නායකත්වය දී කටයුතු කරන අතර තොරතුරු තාක්ෂණය හා සම්බන්ද ක්‍රමෝපායයන් සංවර්ධනය සහ ක්‍රියාත්මක කිරීම මෙන්ම සමාගමේ ඩිජිටල්කරණ පරිවර්තනය පිලිබඳ කර්තව්‍යන් පිළිබඳව ද වගකීම් දරයි.   ශ්‍රී ලංකාව, ඉන්දියාව සහ මාල දිවයින යන රටවල ව්‍යාපාර පවත්වාගෙන යන විවිධාංගීකරණය වූ සමාගම් සමූහයක් තුල තොරතුරු තාක්ෂණය සහ ඩිජිටල්කරණ අංශයන් හී වසර 15කට අධික අත්දැකීම් සමුදායක් ඔහු සතු වේ.

AIA ශ්‍රී ලංකා සමාගමට සම්බන්ද වීමට පෙර ද ෆොන්සොකා මහතා මෙරට ප්‍රමුඛ පෙළේ  සමාගම් සමූහයක තොරතුරු සහ සන්නිවේදන තාක්ෂණය සහ ඩිජිටල් ව්‍යාපාර පිලිබඳ  සමූහ ප්‍රධානියා ලෙස කටයුතු කරන ලද අතර එහි දී ඔහු සමාගම තුල ක්ලවුඩ් ගමන්මග සහ  තොරතුරු තාක්ෂණය ඔස්සේ ව්‍යාපාරය වැඩි දියුණු කිරීම පිලිබඳ පුරෝගාමී මෙහෙවරක් ඉටුකර ඇත. එමෙන්ම ඔහු එහි දී ආයතනික සන්නිවේදනය සහ සමූහයේ තිරසාර ක්‍රියාකාරකම් පිළිබඳව අධීක්ෂණ කටයුතු ද සිදුකර ඇත.

ඔහු සතුව එක්සත් රාජධානියේ කාඩිෆ් මෙට්‍රොපොලිටන් විශ්ව විද්‍යාලයෙන් පශ්චාත් උපාධියක් ද ස්ටැෆෝඩ්ශය්ර් විශ්ව විද්‍යාලයෙන්  විද්‍යා සහ ව්‍යාපාර තොරතුරු තාක්ෂණය පිලිබඳ උපාධියක් ද ඇති අතර ඔහු එක්සත් රාජධානියේ බ්‍රිතාන්‍ය පරිගණක සමාජයේ සාමාජිකත්වයද උසුලයි.

හසිත මාපලගම මහතාහට ජීවිත රක්ෂණ ක්ෂේත්‍රය සහ මූල්‍ය ක්ෂේත්‍රය තුල වසර 14 කට අධික කාලයක පළපුරුද්ද  ඇති අතර, අවදානම්, අනුකූලතා සහ අභ්‍යන්තර විගණනය යන ක්ෂේත්‍රයන් සඳහා ද වසර 21කට අධික අත්දැකීම් සමුදායකට ඔහු හිමිකම් කියයි. ජීවිත රක්ෂණ සහ මූල්‍ය ක්ෂේත්‍රයන් පිළිබඳව විශිෂ්ට මෙන්ම පරිපූර්ණ සහ ගැඹුරු දැනුමකින් හෙබි ඔහු අත්දැකීම් සපිරි, අවදානම් සහ අනුකූලතා කළමනාකරණ විශේෂඥයෙකි.

හසිත මාපලගම මහතා වරලත් ගණකාධිකාරීවරුන්ගේ කළමනාකරණ ආයතනයේ සාමාජිකයෙක් වන අතර ශ්‍රී ජයවර්ධනපුර විශ්ව විද්‍යාලය සමගින් අනුබද්ධිත පශ්චාත් උපාධි කළමනාකරණ ආයතනයෙන් ව්‍යාපාර පරිපාලනවේදී පශ්චාත් උපාධියකට ද හිමිකම් කියයි.  ඔහු සහතික ලත් මුදල් විශුද්ධිකරණ විරෝධී විශේෂඥයෙක් (ඇමරිකා එක්සත් ජනපදය)  වන අතර,  ඕස්ට්‍රේලියාවෙන් පිරිනමන ලද පාලනය, අවදානම් සහ අනුකූලතා පිලිබඳ සහතිකයක් ද ඔහු සතුයි.  

සේනක රාජපක්ෂ මහතා ජීවිත රක්ෂණ ක්ෂේත්‍රය තුල විකුණුම් සහ අලෙවිකරණය පිලිබඳ හසල අත්දැකීම් සහිත වෘත්තිකයෙකි.  ඔහු AIA ශ්‍රී ලංකා තුල සේවය කල වසර 22ක දීර්ඝ කාලය තුල දී ආයතනය පුරා ශක්තිමත් සබඳතා ඇතිකර ගනිමින් අත්දැකීම් සහ දැනුම්  සම්භාරයක් ගොඩනඟාගෙන  ඇත.  ඔහුගේ නායකත්වය යටතේ බෙදාහැරීම් සහයෝගිතා අංශය සිය ක්‍රියාකාරීත්වයෙහි, ඵලදායිතාවයෙහි, වාර්ෂික නව වාරික සහ නව ව්‍යාපාරයන්හි අගයන් ද  සඳහා සැලකිය යුතු පමණින් වර්ධනයක් අත්කරගෙන ඇත.

ඔහු වරලත් රක්ෂණ නියෝජිත කළමනාකරණ ආයතනය (CIAM) වෙතින් ව්‍යාපාර කළමනාකරණය පිළිබඳ පශ්චාත් උපාධි ඩිප්ලෝමාව සහ පශ්චාත් උපාධි ආයතනය (PIM) විසින් පිරිනමන අලෙවිකරණය පිළිබඳ පශ්චාත් උපාධි ඩිප්ලෝමාව සම්පූර්ණ කර ඇත.  තවද, ඔහු LIMRA සම්මානය දෙවරක් දිනා ගෙන ඇත.

තුෂාරි පෙරේරා මහත්මිය සමාගමේ මානව සම්පත් සහ පහසුකම් අංශයට නායකත්වය දෙමින් කටයුතු කරයි.  මානව සම්පත් පිලිබඳ ජේෂ්ඨ වෘත්තීයවෙදිනියක් වන ඇය සතුව මානව සම්පත් කළමනාකරණය සහ නායකත්ව ක්‍රියාකාරම් පිලිබඳ වසර 16කට අධික පළපුරුද්දක් ඇත. එක්සත් රාජධානියේ වරලත් පුද්ගලික සංවර්ධන ආයතනයේ සාමාජිකාවක් වන ඇය සතුව එක්සත් රාජධානියේ වේල්ස් ට්‍රිනිටි ශාන්ත ඩේවිඩ් විශ්ව විද්‍යාලයෙන් ව්‍යාපාර පරිපාලනය පිලිබඳ පශ්චාත් උපාධියක් ද ඇත.  එමෙන්ම ඇය ලංකා රසායන විද්‍යා ආයතනයේ රසායන විද්‍යාව පිළිබඳ බලපත්‍රලාභිනියකි.

තුෂාරි පෙරේරා මහත්මිය මැලේසියාවේ ආයතනික පුහුණුකරු ඇකඩමියේ සහතිකලත් ආශ්‍රිත පුහුණුකාරිනියක් වන අතර පුද්ගල කළමනාකරණයේ බොහෝ ක්ෂේත්‍රවල සහතිකලත් පුහුණු සහ සංවර්ධන විශේෂඥවරියකි.  ඇය  ශ්‍රී ලංකා රක්ෂණ සංගමය ඇතුළු බොහෝ මානව සම්පත් සංසදවල සමාගම නියෝජනය කරයි.

චානක ලියනගේ මහතා ඒජන්සි බෙදාහැරීම් අංශයේ ඩිජිටල්කරණ පරිවර්තන ගමන්මග වෙනුවෙන් සිය සහය ලබාදෙන අතර ප්‍රීමියර් ඒජන්සි කවය විකාශනය කිරීමේ කර්තව්‍ය සඳහා නායකත්වය ලබා දෙයි.  එම ප්‍රමුඛ කර්තව්‍යන් දෙකට අමතරව ලියනගේ මහතා වෙනත් ක්‍රමෝපායික ව්‍යාපෘතීන් මෙහෙයවීම සඳහා ද කටයුතු කරයි.  ඔහු සතුව ඇති වසර 20කට අධික අලෙවි අත්දැකීම්, සේවාලාභීන් මූලික කරගත් ප්‍රවේශය සමගින් ඒජන්සි බෙදාහැරීම් ක්‍රමෝපායන් ඉතා සාර්ථක ලෙස මෙහෙවීමට ඔහුට සහය වෙයි.

චානක ලියනගේ මහතා සතුව ව්‍යාපාර පරිපාලනය පිලිබඳ ශාස්ත්‍රපති උපාධියක්, ඔස්ට්‍රලියාවේ දකුණු ක්වීන්ස්ලන්ත විශ්ව විද්‍යාලයෙන් ව්‍යාපාර පිළිබඳ පශ්චාත් උපාධි සහතිකයක් සහ එක්සත් රාජධානියේ වරලත් කළමනාකරණ ගණකාධිකාරී ආයතනය වෙතින් පිරිනමන ලද උසස් ඩිප්ලෝමාවක් ද ඇත.  ඔහු වරලත් අලෙවිකරණ ආයතනයේ සාමාජිකයෙක් වන අතර ශ්‍රී ලංකා අලෙවිකරණ ආයතනයේ සහ ශ්‍රී ලංකා වෘත්තීය බැංකුකරුවන්ගේ සංගමයේ ද සාමාජිකත්වය දරයි.

සුරේෂ් එදිරිසිංහ මහතා පසුගිය වසර 24 පුරාවට රක්ෂණ ක්ෂේත්‍රය තුල සේවය කර ඇති අතර ඔහු අවදානම් කළමනාකරණය, රක්ෂණ මෙහෙයුම් සහ සේවාලාභී අත්දැකීම් කළමනාකරණය යන අංශ පිලිබඳ විශේෂඥයෙකි.  ඔහු 2016 වසරේ දී මෙහෙයුම් පිළිබඳ  තාක්ෂණ අංශයන් අධීක්ෂණය කිරීම සඳහා වන  නිශ්චිත නිලධාරියා ලෙස තේරී පත්විය.  දැනට අප සමග සිටින සේවාලාභීන්හට සිය අක්‍රීය වූ රක්ෂණ ඔප්පු නැවත සක්‍රීය කරගැනීම සඳහා සහාය වන සමාගමේ සේවාලාභී සංරක්ෂණ අංශය ආරම්භ කිරීමට මූලිකත්වය ගෙන කටයුතු කල එදිරිසිංහ මහතා ඒ කර්තව්‍ය වෙනුවෙන් 2019 වසරේ දී සමාගම වසින් පිරිනමන සුවිශේෂීම සම්මානයක් වන ප්‍රධාන විධායක නිලාධාරී සම්මානයෙන් පිදුම් ලැබීය.

සුරේෂ් එදිරිසිංහ මහතා සතුව ශ්‍රී ජයවර්ධනපුර විශ්ව විද්‍යාලයට අනුබද්ධ පශ්චාත් කළමනාකරණ ආයතනය වෙතින් පිරිනමන ලද ව්‍යාපාර පරිපාලනය පිලිබඳ පශ්චාත් උපාධියක් ඇති අතර ඔහු මොරටුව විශ්ව විද්‍යාලයේ  ඉංජිනේරු ක්ෂේත්‍රයේ උපාධිධාරියෙකි. ඔහු එක්සත් රාජධානියේ අවදානම් කළමනාකරණ ආයතනයේ සහ වරලත් රක්ෂණ ආයතනයේ සාමාජිකයෙකි.  මෙම සුවිශේෂී ආයතනවලින් ඔහුට ‘සහතිකලත් අවදානම් වෘත්තිකයා’ සහ ‘වරලත් රක්‍ෂණකරු’ යන පදවි ප්‍රදානය කර ඇති අතර විභාග මගින් මෙම ආයතන දෙකෙන්ම සාමාජිකත්වය දිනාගත් පළමු ශ්‍රී ලාංකිකයා වේ. එමෙන්ම එදිරිසිංහ මහතා ශ්‍රී ජයවර්ධනපුර විශ්ව විද්‍යාලයේ සහ කොළඹ විශ්ව විද්‍යාලයේ නිත්‍ය බාහිර කථිකාචාර්යවරයෙකි.

සම්පත් තුෂාර මහතාට මූල්‍ය සහ විගණන ක්ෂේත්‍රයන් ඇතුළත වසර 18 කට වැඩි පළපුරුද්දක් ඇති අතර  විගණන සහ සහතික කිරීම්, ඇඟලුම්, විදුලි සංදේශ, නිෂ්පාදන සහ රක්ෂණය යන ක්ෂේත්‍ර ගණනාවක සේවය කර ලබා ගත් අත්දැකීම් රාශියක් ද ඔහු සතුය.  සම්පත් තුෂාර මහතා ජාත්‍යන්තර මූල්‍ය වාර්තාකරණ ප්‍රමිතිය (IFRS 17) සඳහා විශේෂඥයෙක් ලෙස සැලකෙන අතර ඒ පිළිබඳව ඔහුගේ ගැඹුරු දැනුම සහ එම ප්‍රමිතිය සමාගමට ආදේශ කිරීමේ දී ඒ සඳහා නායකත්වය දෙමින් කටයුතු කිරීමේදී ඔහු ලැබූ අත්දැකීම් ඊට හේතු විය.  ජීවිත රක්ෂණය පිළිබඳව ඔහුගේ දැනුම සහ විශේෂඥතාව ඔහුගේ වර්තමාන කාර්යභාරය ඔස්සේ ඔහු ලබාගෙන ඇති අතර සාමාන්‍ය රක්ෂණය පිළිබඳව දැනුම සමාගමේ පූර්ණ හිමිකාරිත්වය සහිතව පැවතී අනුබද්ධිත සමාගම තුල ඔහුගේ සේවය ඔස්සේ ඔහු ලබා ගන්නා ලදී.  මෙම ජාත්‍යන්තර මූල්‍ය වාර්තාකරණ ප්‍රමිතීන් දේශීයව ආදේශ කරන කල විවිධ අභියෝගයනට මුහුණ දෙමින් ඔහු ශ්‍රී ලාංකීය රක්ෂණ ක්ෂේත්‍රයට සහ අනෙකුත් මූල්‍ය සහකරුවන් වෙත සිය දායකත්වය ලබා දී  ඇත.

සම්පත් තුෂාර මහතා ශ්‍රී ලංකා වරලත් ගණකාධීවරුන්ගේ ආයතනයේ සාමාජිකයෙක් වන අතර එක්සත් රාජධානියේ වරලත් කළමනාකාර ගණකාධීවරුන්ගේ ආයතනයේ ද සාමාජිකත්වය දරයි.  එමෙන්ම ඔහු සතුව ශ්‍රී ජයවර්ධනපුර විශ්ව විද්‍යාලයෙන්  ව්‍යාපාර පරිපාලනය සඳහා පිරිනමන ලද උපාධියක් ඇති අතර ශ්‍රී ලංකා පශ්චාත් උපාධි කළමනාකරණ ආයතනයෙන් පිරිනමන ලද ව්‍යාපාර පරිපාලනය පිලිබඳ පශ්චාත් උපාධියකුත් ඔහු සතු වේ.

සසිත් බඹරදෙණිය මහතා වසර 15ක අලෙවිකරණ, සන්නිවේදන, ක්‍රමෝපායික සැලසුම් සහ මෙහෙයුම් නායකත්වයකින් හෙබි, දේශීය රක්ෂණ ක්ෂේත්‍රය තුල කැපී පෙනෙන මෙන්ම සම්මානලාභී නව්‍ය ප්‍රයත්නයන් ගණනාවක් සඳහා පෙරමුණ ගෙන ක්‍රියාත්මක වී ඇති අත්දැකීම් සපිරි අලෙවිකරණ නායකයෙකි.

සිය වෘත්තීය ජීවිතය AIA ශ්‍රී ලංකා හි දී  අරඹන ඔහු පසුව විවිධ ක්ෂේත්‍ර ගණනාවක් පුරාවට සේවය කර අත්දැකීම් රාශියක් ලබා ඇති අතර ඉතා මෑතක දී එනම් AIA හා සම්බන්ද වීමට පෙර ෆෙයා ෆස්ට් රක්ෂණ සමාගමේ ප්‍රධාන අලෙවි නිලධාරී තනතුර හෙබවීය.

සසිත් බඹරදෙණිය මහතා ඉහල ශක්තතාවයන් දක්වන විෂයන් අතුරින් ඇතැමක් ලෙස නිෂ්පාදන කළමනාකරණය, විද්‍යුත් ව්‍යාපාර(e-commerce) සන්නාම සංවර්ධනය සහ සන්නිවේදනය හැදින්විය හැක.  ඔහු ශ්‍රී ජයවර්ධනපුර විශ්ව විද්‍යාලයේ පශ්චාත් කළමනාකරණ ආයතනයෙන් ව්‍යාපාර පරිපාලනය පිලිබඳ පශ්චාත් උපාධියක් ලබා ඇති අතර ඕස්ට්‍රේලියාවේ නිව්කාසල් විශ්ව විද්‍යාලයෙන් අලෙවිකරණය සහ කළමනාකරණය පිළිබඳ ප්‍රධාන වූ ව්‍යාපාර පිළිබඳ උපාධියක් ද ඔහු සතුව ඇත.