අපේ හවුල්කාරිත්වයන්

DFCC බැංකුව වර්ෂ 65ක අභිමානවත් ඉතිහාසයක් සහිත ප්‍රමුඛතම සංවර්ධන බැංකුවක් වන අතර, මේ වන විට සිය පාරිභෝගික පිරිස වෙත පූර්ණ වාණිජ බැංකු සේවාවක් ද ලබා දෙයි. මෙරට ව්‍යාපාර ලෝකයෙහි දැවැන්ත ව්‍යවසායකයින් පසුපස සුවිසල් ශක්තියක් වෙමින් ඔවුන්ගේ සංවර්ධනය වෙනුවෙන් සහයෝගය ලබාදුන් ශ්‍රී ලංකාවේ ප්‍රථම සංවර්ධන බැංකුවද DFCC බැංකුව වේ. මේ වන විට මුල්‍ය සේවාවන්හි සෑම අංශයකටම DFCC  බැංකුව විහිද පවතින අතර, පුළුල් පාරිභෝගික පදනමක් ගොඩනංවාගෙන සිටී. DFCC බැංකුව හා AIA ඉන්ෂුවරන්ස් අතර ‍ගොඩනංවාගත් නවතම සහයෝගීතාවය මගින් බැංකුව සිය පාරිභෝගික පිරිස වෙත ලබාදී තිබෙන අගය තවදුරටත් ඉහළ නැංවෙන අතර, සෑම තරාතිරමකම ජීවන මට්ටමක් ගතකරන ජනතාව වෙත අවශ්‍ය මුල්‍ය විසඳුම් ලබාදීම තවදුරටත් විශිෂ්ට ලෙස සිදුකිරීමට හැකියාව ලැබෙනු ඇති බවද අපේක්ෂා කරයි. පසුගිය වර්ෂ කිහිපය තුල මෙම සහයෝගීතාවය මගින් DFCC බැංකුව හා AIA ඉන්ෂුවරන්ස් වෙත ලැබුණු ප්‍රතිලාභ ඉතාමත් සුවිශේෂීවන අතර, DFCC පාරිභෝගික පිරිසට පුළුල් පරාසයක පැතිරුණු විශ්‍රාම සැලසුම්, සෞඛ්‍ය ආශ්‍රිත රක්ෂණ සැලසුම් හා ආයෝජන විසඳුම් සඳහා වඩාත් පහසු ප්‍රවේශයක් සහතික කරදීමට හැකියාව ලැබී තිබේ.  

වෙබ් අඩවියට පිවිසීම සඳහා මෙතැන ක්ලික් කරන්න

ප්‍රමුඛ පෙළේ ශ්‍රී ලාංකීය Telemedicine සමාගමක් වන oDoc, ශ්‍රී ලංකාව, ඉන්දියාව හා මාලදිවයින යන රටවල 200,000කට අධික සේවාලාභීන් පිරිසක් වෙත සිය සේවය ලබා දෙයි. 2017 වර්ෂයේ ආරම්භ කරන ලද oDoc සමාගම විශ්වාස කරනුයේ යහපත් ජීවන තත්ත්වයක් ගොඩනංවා ගැනීම වෙනුවෙන් මිනිස් ප්‍රජාවට විශිෂ්ට සෞඛ්‍ය රැකවරණයක් තිබිය යුතුවීම අනිවාර්ය බවයි. ඒ වෙනුවෙන් සියලු දෙනාටම පහසු ප්‍රවේශයක් සහතික කරදීමට oDoc සමාගම ඉතාමත් කැපවීමෙන් කටයුතු කරයි. දැරියහැකි මිලකට එකිනෙකාගේ කැමැත්ත අනුව සුවිශේෂී සෞඛ්‍ය රැකවරණයක් වෙනුවෙන් අවශ්‍ය ප්‍රවේශය සහතික කරවීම සිය මෙහෙවර වශයෙන් oDoc සමාගම සලකනු ලබයි. AIA ඉන්ෂුවරන්ස්, oDoc සමාගම සමග සහයෝගීතාවයකට පිවිසෙමින් සුවපත්, සැපවත්, දිගුකල් ජීවිතයක් අපගේ සේවාලාභීන්හට උදාකරදීම වෙනුවෙන් අවශ්‍ය සහයෝගය ලබාදීමට උසස් ප්‍රමිතියේ සෞඛ්‍ය රැකවරණයක් Online තාක්ෂණය ඔස්සේ මෙරට ප්‍රමුඛතම වෛද්‍ය විශේෂඥයින් වෙතින් ලබාගැනීම වඩාත් පහසු කරවීමට කටයුතු කරයි. අපගේ සේවාලාභීන්හට වඩාත් යහපත් ජීවන තත්ත්වයක් නිර්මාණය කරදීම වෙනුවෙන් විශිෂ්ට සෞඛ්‍ය රැකවරණයක් හා පහසුවක් සහතික කරදෙමින් ඔවුන්ගේ ජීවිත වඩාත් ඉහළ තලයකට රැගෙන ඒමට AIA සහ oDoc සමාගම් දරන උත්සාහයන් මෙම සහයෝගීතාවය හරහා මනාව පිළිබිඹු වේ.

වෙබ් අඩවියට පිවිසීම සඳහා ක්ලික් කරන්න.