AIA ශ්‍රී ලංකා සමාගම, ආසියාවේ වෙළෙඳපොල 18ක ව්‍යාපාර කරමින්, වසර 100කට අධික කාලයක් පුරාවට ජනතාවට සුවපත්, සැපවත් දිගුකල් ජීවිත් ගත කිරීමට සහය වන, වෙළෙඳපොල ප්‍රාග්ධනීකරණයෙන් ලොව විශාලතම ජීවිත රක්ෂණ සමාගම වන ජාත්‍යන්තර AIA සමූහයේ සාමාජික සමාගමකි. AIA ශ්‍රී ලංකා අර්බුදකාරී කාලවකවානු වලදී සැමවිට මූල්‍යමය වශයෙන් ස්ථාවරව සිට ඇති අතර නොබෝදා අප සැම මුහුණ දුන් COVID වසංගත තත්ත්වය මෙන්ම වර්තමාන ආර්ථික අර්බුදයේ ප්‍රථිපලයක් ලෙස දැනට ශ්‍රී ලංකාවේ පවතින දේශපාලන සහ සමාජ අස්ථාවරත්වය ඊට කදිම නිදසුනක් ලෙස සඳහන් කල හැකිය. මෙම අවස්ථාවේ AIA ශ්‍රී ලංකා හි ප්‍රමුඛතම අවධානය වනුයේ අපගේ ජාතියට සහ ජනතාවට මූල්‍ය සුරක්ෂිතතාවය පමණක් නොව මෙරට සමාජය වෙත උපරීමයෙන් සිය සහයෝගය ලබා දීමයි.
ශ්‍රී ලාංකීය රක්ෂණ ක්ෂේත්‍රය තුල ප්‍රමුඛතම සාමාජිකයෙකු ලෙස වසර 35කට අධික ඉතිහාසයකට හිමිකම් කියන AIA ශ්‍රී ලංකා සමාගම සතුව දිවයින පුරා ආවරණය වන පරිදි ශක්තිමත් බෙදා හැරීම් ජාලයක් තිබෙන අතර ශාඛා කාර්යාල 100ක් මෙන්ම 4000 කට අධික පිරිසකගෙන් සමන්විත අලෙවි බලකායක් අප හා සම්බන්ධව සිටිනවා. මෙරට බෑන්ක් ඇෂුවරන්ස් ව්‍යාපාරයේ පුරෝගාමී සමාගම ලෙස ශ්‍රී ලංකාවේ ප්‍රමුඛතම බැංකු සමගින් අප සහයෝගීතාවයන්ට එළැඹ ඇති අතර ඒ ඔස්සේ අපගේ බෙදාහැරීම් ජාලය තවදුරටත් පුළුල් කර ගැනීමට අපට හැකිවී තිබෙනවා.
2021 වසර අවසාන වන විට LKR බිලියන 19.8 ක කොටස් හිමියන්ගේ කොටස් සමඟ සමාගම ශක්තිමත් ලෙස ප්‍රාග්ධනීකරණය කර ඇත. මෙමගින් පිළිබිඹු වන්නේ AIA ශ්‍රී ලංකා සමාගමට, සිය මෙහෙයුම් සිදුකරන පරිසරය තුල පැන නගින අර්බුදකාරී අවස්ථාවන් නිසා ඇතිවන ඕනෑම අවදානමකට සාර්ථකව මුහුණ දෙමින් සිය අගනා සේවාලාභීන් වෙත ලබා දී ඇති පොරොන්දු අඛණ්ඩව ඉටුකර දීමට ඇති හැකියාවයි. මේ සඳහා සමාගම මගින් උසස් තත්ත්වයේ ආයෝජන වෙත අවධානය යොමුකරමින් සිදුකරන්නා වූ දූරදර්ශී සහ විචක්ෂනශීලී ආයෝජන ක්‍රමෝපායයන් වඩාත් සහාය වෙනවා. AIA ශ්‍රී ලංකා සමාගම 30 වසරකට අධික කාලයක් පුරාවට පොරොන්දු වූවාටත් වැඩියෙන් සේවාලාභී ලාභාංශ ප්‍රකාශයට පත්කරමින් පාරිභෝගික අපේක්ෂාවන් ඉක්මවා කටයුතු කිරීමට සමත් වී තිබෙනවා. අභියෝග රැසකට රට සහ ජනතාව මුහුණ පෑ 2021 වසර සඳහාද එලෙසම වඩාත් ශක්තිමත් ලාභාංශ රක්ෂණ ඔප්පු හිමියන් වෙත ලබා දීමට සමාගම කටයුතු කර තිබෙනවා.
AIA ශ්‍රී ලංකා සමාගම, ශ්‍රී ලංකාවේ ආර්ථිකයේ සහ සමස්ත සමාජයේම අභිවෘද්ධිය සඳහා දායක වීමට කැපවී කටයුතු කරමින් සිටිනවා. සේවාලාභීන්ගේ ජීවිතයේ සෑම අවධියක් සඳහාම අත්‍යවශ්‍ය සුරක්ෂිතබව තහවුරු කරමින් රැකවරණය සැපයීම සඳහා පුළුල් පරාසයක විහිද ගිය විශ්රාම, සෞඛ්‍ය සහ ඉතුරුම් විසදුම්, සියලු ශ්‍රී ලාංකිකයින් වෙත ලබා දීමට අප කටයුතු කරනවා. මෙම විසදුම් නිර්මාණය කර ඇත්තේ වසර 100 කට වැඩි කාලයක් පුරාවට ආසියාවේ ව්‍යාපාර කරමින් ලබා ගන්නා ලද දැනුම, අවබෝධය සහ අත්දැකීම් පෙරදැරි කරගෙන වීම විශේෂ කරුණක් ලෙස දැක්විය හැකියි. සෞඛ්‍ය සහ සුවතාවය පිළිබඳව සමාගම විශේෂ අවධානයක් යොමුකර සිටීම වැදගත් කරුණක්. මේ සඳහා සාමාන්‍ය සෞඛ්‍ය රක්ෂණ සැලසුම් ලබා දීමෙන් ඔබ්බට ගොස් සේවාලාභීන්හට ඒ සඳහා වන සමස්ත යෝජනා ලබා දීමට සමාගම කටයුතු කරමින් සිටින අතර මේ කාර්යය සඳහා ද පුරෝගාමී මෙහෙවරක අප යෙදී සිටින බව සඳහන් කල හැකියි. ජනතාවට සුවපත්, සැපවත්, දිගුකල් ජීවිත ගතකිරීමට සහාය ලබා දීම යන AIA හි සන්නාම ප්‍රතිඥාව සමග යමින් අපගේ පරමාර්ථය වන්නේ සේවාලාභීන්ගේ කායික මෙන්ම මානසික සුවතාවය ද තහවුරු කිරීමයි. oDoc, Fitzky, My Dentist සහ Teardrop හෝටල් ඇතුළු ශ්‍රී ලංකාවේ වඩාත්ම කීර්තිමත් සුවතා හවුල්කරුවන් සමඟ සහයෝගීතාවයන්ට එළෙබී සිටින AIA ශ්‍රී ලංකා සමාගමට සිය සේවාලාභීන්හට වඩාත් ක්‍රියාශීලීව, සෞඛ්‍ය සම්පන්නව සහ සතුටින් සිටීමට උපකාර කිරීම සඳහා සුවතා යෝජනා රැසක් ලබා දීමට කටයුතු යොදා තිබෙනවා.
මේ වසරේ දී AIA ශ්‍රී ලංකා සමාගම මෙරට රැකියාව කිරීමට හොඳම සේවා ස්ථානයක් ලෙස නොකඩවා 10 වන වතාවටත් සම්මානයෙන් ඇගයුමට ලක්වීම වෙනුවෙන් Great Place to Work® වෙතින් LEGEND තත්ත්වය උදා කරගැනීමට සමත් වී තිබෙනවා. 2021 වසරේ දී කාන්තාවන් සඳහා රැකියාව කිරීමට හොඳම සේවා ස්ථානයක් ලෙසත් අඛණ්ඩව 4වන වසරටත්, ආසියානු ලයිස්තුවේ විශාල සමාගම් කාණ්ඩය යටතේ, හොඳම සේවා ස්ථානයක් ලෙස ජාත්‍යන්තර ඇගයීමකුත්, සහශ්‍රකයින් සඳහා හොඳම සේවා ස්ථානයක් ලෙස ප්‍රථම වතාවටත් AIA ඇගයීමට ලක්වුනා. මේ සෑම සම්මානයන් සමගින් ශ්‍රී ලංකාවේ බැංකු, මූල්‍ය සේවා සහ රක්ෂණ ක්ෂේත්‍රයේ හොඳම සමාගම් 10 අතරින් එකක් ලෙසත් BFSI)සම්මානයෙන් පිදුම් ලැබීමට AIA ශ්‍රී ලංකා සමාගමට අවස්ථාව උදා වුණා.
AIA ශ්‍රී ලංකා සමාගම විශාල හදවතක් ඇති, මෙරට සමාජය සමගින් මනා ලෙස බද්ධව සිටින සමාගමක්. දිවයින පුරා තිබෙන අඩු වරප්‍රසාදලාභී පාසල් සහ රෝහල් පිළිසකර කරදීම, අඩු වරප්‍රසාදලාභී දරුවන්ට සහ වැඩිහිටියන්හට සහය වීම වැනි සද්කාර්යයන් ඔස්සේ සමාජය වෙත සිය යුතුකම් නැවත පෙරලා ඉටුකිරීමට AIA කැපවී කටයුතු කරන අතර එය සමාගම ප්‍රමුඛතාවයේ ලා සලකන කරුණක්. ආර්ථික අභියෝග මධ්‍යයේ වුවද මේ වසර ඇතුලත සමාජ සත්කාර වැඩසටහන් කිහිපයක්ම ක්‍රියාත්මක කිරීමට AIA කටයුතු කරනු ලැබුවා. HelpAge ශ්‍රී ලංකා, SOS ශ්‍රී ලංකා ළමා ගම්මාන, ශ්‍රී ලංකා පිළිකා සංගමය, ලංකා ඇල්සයිමර්ස් පදනම, පරිවාස හා ළමාරක්ෂක සේවා දෙපාර්තමේන්තුව යන ආයතන හා සම්බන්ධව මෙම සමාජ මෙහෙවර දියත් කරනු ලැබූ අතර ශ්‍රී ලංකාවේ සමාගමක් මගින් වැඩිම කාලයක් පුරාවට අඛණ්ඩව ක්‍රියාත්මක කරනු ලබන සමාජ මෙහෙවරයන් දෙකක් වන ජාතික පොසොන් රැකවරණ වැඩසටහන සහ AIA උසස් අධ්‍යාපන ශිෂ්‍යත්ව යන වැඩසටහන් ද සඳහන් කල යුතුයි.
තවද, රක්ෂණ ක්ෂේත්‍රය තුල ඩිජිටල් තාක්ෂණ පරිවර්තනයේ පුරෝගාමී සමාගමක් ලෙස AIA, Cloud මත පදනම් වූ වැඩ ප්‍රවාහ ස්වයංක්රීයකරණය, රොබෝ ක්‍රියාවලි ස්වයංක්රීයකරණය, Multi cloud මත පදනම් වූ ක්‍රමෝපාය, නව සේවාලාභීන් අත්පත් කරගැනීමේ දී දුරස්ථ ඩිජිටල් අත්සන් භාවිතය සහ බුද්ධිමත් තීරණ ගැනීම සඳහා මයික්‍රොසොෆ්ට් විශ්ලේෂණ යන, රක්ෂණ ක්ෂේත්‍රය තුල ප්‍රථම වශයෙන් දියත් කරනු ලැබූ මුලපිරීම් සඳහන් කල හැකියි.
සමාගම සිය සේවාලාභීන්හට සුවිශේෂී පාරිභෝගික අත්දැකීම් සහ සේවා ලබා දීමට කැපවී කටයුතු කරන අතර ඩිජිටල්කරණය ඔස්සේ නව තාක්ෂණය මගින් සහ අති විශිෂ්ට අලෙවි බලකා සාමාජිකයින්ගේ සේවය ලබා ගැනීම් ඔස්සේ මෙය තහවුරු කෙරෙනවා. සේවාලාභීන්හට සියලු රැකවරණ අවශ්‍යතා සඳහා සැලසුම් සහ විසදුම් ලබා දීම වගේම වේගවත්, පහසු සහ ධනාත්මක අත්දැකීමක් ලබා ගැනීම ද තහවුරු කෙරෙනවා.
මේ සියල්ල සමගින් AIA ඉන්ෂුවරන්ස් ලංකා සමාගම විශ්වාස කරන්නේ ප්‍රීතිමත් සහ සුරක්ෂිත සේවාලාභියෙක් බිහිවීම වගේම සෞඛ්‍ය සම්පන්න ශ්‍රී ලංකාවක් බිහිකරලීම ද සමාජය වෙනුවෙන් අදටත් වඩා හෙට දවස වෙනුවෙන් වඩාත් වැදගත් බවයි.
