AIA ඉන්ෂුවරන්ස් මෙරට රක්ෂණ ක්ෂේත්‍රය වෙත ප්‍රථම වරට තවත් නවමු අත්දැකීමක් එක්කරමින් සෞඛ්‍ය සහ සුවතා විසදුමක් හඳුන්වා දෙයි. මෙහිදී oDoc app එක ඔස්සේ සුවතා විශේෂඥයින්ගේ සේවාවන් නොමිලේ ලබා ගැනීමට සේවාලාභීන්හට හැකියාව ලැබේ. වාර්ෂිකව රු.100,000/-කට වඩා වැඩි වාරිකයක් සහිත සියළුම සේවාලාභීන්හට මෙම සේවාව අත්විඳිය හැකි අතර මෙම පුරෝගාමී සේවාව මගින් ශ්‍රී ලංකා වෛද්‍ය කවුන්සිලයේ ලියාපදිංචි ඕනෑම සුවතා විශේෂඥයෙකුගේ සේවය වසරකට කිහිප වාරයක් ලබා ගැනීමට සේවාලාභියාට හැකි වේ. කායික සෞඛ්‍ය වෘත්තිකයින්, මානසික සෞඛ්‍ය වෘත්තිකයින්, භෞතචිකිත්සකයින් හෝ පෝෂණවේදීන් වැනි සේවාලාභියාගේ ඕනෑම අවශ්‍යතාවයට අනුව සුවතා විශේෂඥයා තෝරාගැනීමට මෙමගින් හැකිවන අතර මෙම දීමනාව මගින් දුරකථන වීඩියෝ තාක්ෂණය උපයෝගී කරගනිමින් වසරකට නොමිලේ වෛද්‍ය සැසිවාර 6ක් නිවසේ සිටම සේවාලාභියාට ලබාගැනීමේ පහසුව සලසා ඇත. AIA සමාගම මෙම වෛද්‍ය සැසියන් එක්-වසරක සැලසුමක් යටතේ ලබාදී තිබුනද, සේවාලාභියාහට පහසු ආකාරයට, අවශ්‍ය වේලාවකට ලබාගැනීමේ නිදහස ද ලබා දී ඇත.
AIA ඉන්ෂුවරන්ස් හි ප්‍රධාන විධායක නිලධාරී නිකිල් අද්වානී කියා සිටියේ “AIA ඉන්ෂුවරන්ස් හි අපගේ කාර්යය, අගනා රක්ෂණ විසදුම් නිර්මාණය කිරීමෙන් ඔබ්බට යන අතර දිගින් දිගටම සේවාලාභියාගේ සුභසිද්ධිය වෙනුවෙන් මෙවැනි නව්‍ය හදුන්වාදීම් ඉදිරිපත් කිරීමට අප වෙහෙසෙනවා. අපගේ සන්නාම ප්‍රතිඥාවට අනුව සේවාලාභීන් වෙත වඩාත් සුවපත්, සැපවත් දිගුකල් ජීවිතයක් ගත කිරීමට සහාය වීමට කැපවී කටයුතු කරන සමාගමක් ලෙස සුවතාවයෙන් පිරි ඔවුනගේ ජීවන ගමන් මග, සෞඛ්‍ය සම්පන්නබව රැකගනිමින් ගමන්කිරීමට අත්වැලක් සැපයිය යුතු අයුරු පිළිබඳව අප සැමවිටම සිතනවා. අපගේ වගකීම සේවාලාභීන්හට වඩාත් සෞඛ්‍ය සම්පන්න දිවියක් ගත කිරීමට සහාය වෙමින් ඔවුන්ගේ ජීවිත වලට වැඩි වටිනාකම් එකතු කිරීමයි.”
AIA ඉන්ෂුවරන්ස් හි අලෙවිකරණ ප්‍රධානී ශේවන්ති ද අල්විස් කියා සිටියේ “ප්‍රථම වරට මෙරට රක්ෂණ ක්ෂේත්‍රයටත් අපගේ අගනා සේවාලාභීන් වෙතත් මෙවැනි විසදුමක් හදුන්වාදීමට හැකිවීම පිළිබඳව අප ඉතාමත් සතුටු වෙනවා. සියළු දෙනා සෞඛ්‍ය සම්පන්න බව සහ සුවතාවය ඉහළම මට්ටමක පවත්වා ගනිමින් සිය ජීවිතය ගතකල යුතු බව අප විශ්වාස කරනවා. ඒ සඳහා අප සැම දෙනාම ජීවිතයේ යම් අවස්තාවක දී කුමන හෝ විශේෂඥ උපදෙසක් ලබාගත යුතු යැයි මා සිතනවා. ඒ නිසාමයි අප දුරකථනය ඔස්සේ වෛද්‍ය උපදෙස් සම්පාදනය පිළිබඳව ශ්‍රී ලකාවේ පුරෝගාමී සමාගම වන oDoc හා සමගින් සහයෝගීතාවයකට එක්වුණේ. මෙමගින් අපට, අපගේ සේවාලාභීන්හට ඔවුනගේ ජීවන ගමන්මග පුරාවට සුවතාවය රැක ගනිමින් ගමන්කිරීමට සහය වීමට හැකියාව ලැබෙනු ඇති.”
AIA ඉන්ෂුවරන්ස් හි සෞඛ්‍ය සහ සුවතා විසඳුම් පිලිබඳ වැඩිදුර තොරතුරු ලබා ගැනීමට හෝ මෙම නොමිලේ සේවාව සඳහා ලියාපදිංචි වීම සඳහා 0112 310 310 ඔස්සේ කරුණාකර අප අමතන්න.
