AIA ඉන්ෂුවරන්ස් හී සේවාලාභීන්ගේ රක්ෂණ වාරික පහසුවෙන් එකතු කිරීම සඳහා AIA වෙල්ත් ප්ලෑනර්වරුන්හට සහ මූල්‍ය සැලසුම් විධායකවරුන් වෙනුවෙන්ම ඩිජිටල් තාක්ෂණය ඔස්සේ නිමැවූ AIA Quick Pay ඇප් එක ඔස්සේ රුපියල් බිලියනයකට වැඩි අගයක වාරික එකතු කරගැනීමට 2021 ජූලි මාසය වනවිට සමාගමට හැකියාව ලැබී ඇත. AIA Quick Pay App හදුන්වා දී මාස 22ක් වැනි අඩු කාලයක දී මෙවන් කාර්යසාධනයක් අත්පත් කරගැනීමට හැකිවීම මගින්, AIA ඉන්ෂුවරන්ස් සමාගම සිය සේවාලාභීන්ගේ පහසුව වෙනුවෙන් දක්වන්නා වූ කැපවීම මනාව පිළිබිඹු වේ.
AIA Quick Pay, සේවාලාභීන්හට ජීවිත රක්ෂණ වාරික මුදල් පහසුවෙන් ගෙවීම සඳහා ශ්‍රී ලංකාවේ ජීවිත රක්ෂණ ක්ෂේත්‍රය තුළ ප්‍රථම වරට හදුන්වාදෙන ලද, ඩිජිටල් තාක්ෂණයේ ආධාරයෙන් ස්වයංක්‍රීයව ක්‍රියාකරන ගෙවීම් ඇප් එකයි. මෙම විසදුම මගින් සේවාලාභීන්හට ඔවුන්ගේ නවතම රක්ෂණ ඔප්පුව සඳහා මාසිකව වාරික මුදල් ගෙවීම, අඛණ්ඩව වාරික මුදල් ගෙවීමට ස්ථාවර නියෝගයක් සකස් කර ගැනීමට සහ අක්‍රීය වූ රක්ෂණ ඔප්පු නැවත මුදල් ගෙවා සක්‍රීය කරගැනීම යන සියලු ගෙවීම්, මාර්ගගත ක්‍රමයට ලින්ක් එකක ආධාරයෙන් සිදු කිරීමේ හැකියාව ඇත.
AIA ඉන්ෂුවරන්ස් හී ප්‍රධාන විධායක නිලධාරී නිකිල් අද්වානි සිය අදහස් ප්‍රකාශ කරමින් කියා සිටියේ "මාස 22ක් වැනි ඉතා අඩු කාල පරාසයක් තුළ දී රුපියල් බිලියනයක රක්ෂණ වාරික මුදලක් එකතු කරගැනීමට සමත් වීම, ඩිජිටල්කරණය ඔස්සේ සේවාලාභීන්හට පහසුකම් සැපයීමේ අපගේ ක්‍රියාන්විතයේ අප ලද විශේෂ ජයග්‍රහණයක්. AIA හි අප සේවාලාභීන්ගේ කාලය පිළිබඳව මනා වගකීමෙන් කටයුතු කරන අතර ඔවුන්ගේ පහසුව ද ඉතා වැදගත්කොට සලකනවා. එම නිසයි අප ඔවුන්ට, ඔවුන්ගේ නිවසේ සිට පහසුවෙන් සහ ආරක්ෂාකාරීව, ඩෙබිට් හෝ ක්‍රෙඩිට් කාර්ඩ් ඔස්සේ රක්ෂණ වාරික මුදල් ගෙවීමටත් ඒ සඳහා ස්ථාවර නියෝග සකස් කිරීමටත් සරල සහ පහසු ක්‍රමවේදයක් සකස්කර හදුන්වාදීමට තීරණය කලේ".
ඔහු තවදුරටත් කියා සිටියේ "අප මෙම පහසුකම හදුන්වා දුන්නේ 2019 වසරේ සැප්තැම්බර් මාසයේදීයි එනම් කොවිඩ් වසංගතයට මාස ගණනකට පෙර. එමගින් අප බලාපොරොත්තු වූවේ සැමවිටම අපගේ සේවාලාභීන්හට වාරික ගෙවීමේ පහසුව සලසා දීමයි. දැනට පවතින වාතාවරණයට අනුව අපගේ සේවාලාභීන්ගේ ආරක්ෂාව ප්‍රමුඛත්වයක් ගන්නා අතර මෙම පහසුකම සලසා තිබීම මගින් අපගේ සේවාලාභීන්හට කිසිම අවදානමකට ලක් නොවී සිය ජීවිත රක්ෂණ වාරික ගෙවීමට ඇති හැකියාව පිළිබඳව අප මහත්සේ සතුටට පත් වෙනවා".
AIA ඉන්ෂුවරන්ස් හි නියෝජ්‍ය ප්‍රධාන විධායක සහ ප්‍රධාන බෙදාහැරීම් විධායක උපුල් විජේසිංහ කථා කරමින් කියා සිටියේ "නියමිත වෙලාවට වාරික ගෙවීම් කිරීම සේවාලාභීන්හට සිය රක්ෂණ ඔප්පුව ඔස්සේ අඛණ්ඩව මූල්‍ය රැකවරණය සපයා ගැනීමට ඉතාමත් වැදගත් වෙනවා. මේ සඳහා AIA Quick Pay ස්වයංක්‍රීය පහසුකම අපගේ සේවාලාභීන්හට අත්වැලක් වේවි. එමෙන්ම මෙම පහසුකම අපගේ අලෙවි බලකා සාමාජිකයින්ට මෙන්ම ඔවුනගේ සේවාලාභීන්හට විනාඩි 5ක් වැනි සුළු කාලයක දී වාරික ගෙවීම් සිදුකරමින් වඩාත් පහසු සහ කාර්යක්‍ෂම සේවාවක් සැලසීම සඳහා ද උපකාර වෙනු ඇති. AIA හි පහසුව සහ සේවාවේ වේගවත්බව වෙත යොමු වූ මෙම සමස්ත ඩිජිටල්කරණ විසදුම අපගේ සේවාලාභීන්හට මෙන්ම අලෙවි බලකා සාමාජිකයින්හටත් අතිශය වැදගත් මෙන්ම රක්ෂණ වාරික ගෙවීම් කිරීම සඳහා විශ්වාසවන්ත නව්‍ය විසදුමක් වනවා නොඅනුමානයි."
AIA Quick Pay,ශ්‍රී ලංකාවේ Mastercard ගෙවීම් ද්වාරය මත Cargills බැංකුව බලාත්මක කරන්නනා වූ DirectPay හරහා ඩිජිටල්කරණය ඔස්සේ විශාලතම රක්ෂණ වාරික ධාරිතාවයක් සපයනු ලබන ඇප් වලින් එකකි. DirectPay යනු ශ්‍රී ලංකා මහ බැංකුව විසින් අනුමත කරන ලද ගෙවීම් සේවා සම්පාදකයෙකු වන අතර එය ක්ෂණිකව, ආරක්ෂාකාරීව මෙන්ම ඉතාමත් පහසුවෙන් රක්ෂණ වාරික ගෙවීම් සිදුකල හැකි විසදුමකි. මෙමගින් ඉහළ සුරක්ෂිතතා තත්ත්වයන්ට මෙන්ම ශ්‍රී ලංකා මහ බැංකුවේ මාර්ගොපදේශයන්ට අනුකූලව ජංගම ඇප් සඳහා ඉහලම පූර්වාරක්ෂාව සලසනු ලබයි.
DirectPay හි ප්‍රධාන විධායක නිලධාරී කණිෂ්ක වීරමුන්ද සිය අදහස් දක්වමින් කියා සිටියේ "අපි පූර්ණ ලෙස අනුකලනය කරන ලද ගෙවීම් ක්‍රමවේදයන් නිර්මාණයකර නිෂ්පාදනයන් එළිදැක්වීම සඳහා අලුතෙන්ම ආරම්භ කළ සමාගමක්. මේ අවස්ථාවේ දී AIA ඉන්ෂුවරන්ස් සමාගම සමගින් එක්ව ක්ෂේත්‍රය වෙත නිමවූ අපගේ මේ පුරෝගාමී විසදුමෙන් දැන් රුපියල් බිලියනයක් වාරික මුදලක් එකතු කර තිබෙනවා”. “AIA වැනි ජාත්‍යන්තර දැවැන්තයෙකු සමගින් අත්වැල් බැඳ ගනිමින්, අපගේ නිර්මාණය හරහා ඔවුනගේ සේවාලාභීන්හට වඩාත් ලෙහෙසියෙන් සහ පහසුවෙන් මෙන්ම වඩාත් කාර්යක්ෂමව සිය රක්ෂණ වාරික ගෙවීමේ කටයුත්තට දායක වීමට ලැබීම අපට මහත් සතුටක් මෙන්ම ගෞරවයක්. ඒ වගේම තවදුරටත් AIA සේවාලාභීන් වෙත මුදල් භාවිතයෙන් තොරව සිය ගෙවීම් කටයුතු පහසුවෙන් සිදුකිරීමට සඳහා අවශ්‍ය නවතම් තාක්ෂණය අඛණ්ඩව වර්ධනය කරමින් ගෙන ඒමට අප බලාපොරොත්තු වෙනවා."
වැඩි විස්තර සඳහා කරුණාකර ඔබගේ වෙල්ත් ප්ලෑනර්වරයා හෝ 0112 310310 ඔස්සේ අප අමතන්න.
