AIA ඉන්ෂුවරන්ස්, ඩිජිටල් තාක්ෂණයේ නවතම නිර්මාණයක් සමගින් සිය අලෙවි බලකාය සේවාලාභීන් සමගින් ගනුදෙනු කරන ආකාරය පූර්ණ වෙනසකට භාජනය කර ඇත. රක්ෂණ අලෙවියක් සම්පූර්ණ කිරීමට AIA වෙල්ත් ප්ලැනර්වරුන්ට සහ බෑනක්ඇෂුරන්ස් විධායකවරුන් හට අවශ්‍ය සියළුම විසදුම් ඇතුළත් කර AIA MyPoS ඇප් එක නිමවා ඇත.
ආසියාව පුරාවට AIA හි බෙදාහැරීම් විශිෂ්ටත්වය, ඔවුනගේ මනා අත්දැකීම් මෙන්ම කරඇති පර්යේෂණ පාදක කරගනිමින් නිමවා ඇති මෙම නවතම MyPoS ඇප් එක ඔස්සේ අලෙවිකරුවා ක්‍රියාත්මක වන ආකාරයේ විශාල වෙනසක් ඇති කරනු ඇත. ප්‍රථම වශයෙන් මේ ඔස්සේ ගැබුරු ලෙස අවශ්‍යතා විශ්ලේෂණයක් කිරීම සඳහා මෙවලමක් හදුන්වා දී ඇත. Android සහ IOS පදනමක් මත මෙහෙයවෙන්නා වූ මෙම නවතම ඇප් එක ඔස්සේ සේවාලාභිය හා සම්බන්ධ වන වෙල්ත් ප්ලෑනර්වරයාට හෝ බෑන්ක්ඇෂුවරන්ස් විධායක නිලධාරියාහට ඔහුගේ හෝ ඇයගේ මූල්‍යමය සහ රක්ෂණ අවශ්‍යතාවයන් පිළිබඳව පැහැදිළි අදහසක් ලබා ගැනීමේ හැකියාව ලැබෙන අතර එමගින් ඔවුනට ඉතා පහසුවෙන් ජීවිත, සෞඛ්‍ය හෝ රැකවරණ විසදුමක් නිර්මාණය කරදීමට හැකිවේ.
AIA හි බෙදාහැරීම් අංශය අනාගත සේවාලාභීන් සමගින් අලෙවි ක්‍රියාවලිය සඳහා සම්බන්ධ වීමේදී මෙම ඇප් එක ඔස්සේ ක්ෂණිකව ඔවුනට මිල කැඳවුම් ජනනය කර දීමටත් එම මිල කැදවුම් අනෙකුත් මිල කැදවුම් හා සසඳා බැලීමටත් හැකියාව ලැබෙනවා. අලෙවි ක්‍රියාවලියට අදාළ සියළුම අංග එනම් ග්‍රාහකකරණය, අලෙවි ඉදිරිපත් කිරීම, අවශ්‍යතාවයට සරිලන සැලසුමක් නිර්මාණය, අලෙවිය මෙන්ම ප්‍රාරක්ෂණ සඳහා අදාළ වන්නා වූ නීති සහ කොන්දේසි පවා මෙහි ඇතුළත් වන අතර විශාල ඔප්පු සංඛ්‍යාවක් සැකසීමේ හැකියාව මෙමගින් සිදුකළ හැකියි. මෙම MyPos, ඇප් එක ඔස්සේ විශාල ඔප්පු ප්‍රමාණයක් .පැය 24ක කාලයක් ඇතුළත නිකුත් කිරීමේ හැකියාව පවතින අතර කාර්ය මණ්ඩලයේ අවම මැදිහත්වීමකින් මෙම කාර්ය සිදු කිරීමට හැකි වීම විශේෂත්වයයි. මෙමගින් සේවාලාභියාගේ අත්දැකීම වඩාත් පහසු එකක් වී ඇති අතර AIA හි බෙදාහැරීම් අංශයේ සේවක කණ්ඩායම සඳහා වඩාත් වැඩි වර්ධනය වූ ඵලදායීතාවයක් අත්පත් කරගැනීමටත් මේ ඔස්සේ අවස්ථාව උදා වී ඇත.
AIA ඉන්ෂුවරන්ස් හි මෙම පුරෝගාමී ඩිජිටල්කරණ ව්‍යාපෘතිය ඔස්සේ රක්ෂණ ව්‍යාපාරය වඩාත් වේගවත්ව, පහසුවෙන්, ඒ වගේම වඩාත් පහසුවෙන් සහ කාර්යක්ෂමව කරගෙන යාමට දැන් හැකියාව උදා වී තිබෙනවා යැයි AIA හි ව්‍යාපාර සංවර්ධන කළමනාකරුවෙකු වන ඩී. ජේ. වීරතුංග මහතා පැහැදිළි කර සිටියි. "මෙම නවතම MyPos ඇප් එක ඔස්සේ ක්‍රියාත්මක වීම මගින් අඩු කාලයකින් නව ව්‍යාපාරයක් කර ගැනීමට හැකිවී තිබෙනවා. එමගින් අප හිතනවාටත් වැඩි ඉහළ මට්ටමක ඵලදායීතාවයක් අත්පත් කර ගැනීමට හැකිවී තිබෙනවා. මෙසේ අප සේවාලාභීන්හට කිසිම ගැටලුවකින් තොරව ලබා දෙන්නා වූ කාර්යක්ෂම සේවය පිළිබඳව ඔවුන් වඩාත් පැහැදී සිටින අතර අප ක්ෂණිකව ලබාදෙන මෙම සේවය ගැන ඔවුන් සතුටු වෙනවා."යැයි ඔහු කියා සිටියි. "අපගේ මූලික ඉල්ලක්කය වනුයේ සේවාලාභියා හට අපගේ සේවය පහසුවෙන් ලබාගැනීමට සැලස්වීමයි. MyPos ඇප් එක ඔස්සේ ඒ දේ ඒ ආකාරයෙන්ම සිදු වෙනවා. මේ ඔස්සේ මගේ අත්දැකීම ඉතාමත් ධනාත්මක වන අතර AIA මෙවන් ඩිජිටල්කරණ නවෝත්පාදන සමගින් සේවාලාභීන්හට සලසන සේවය වඩාත් ඉහල තලයකට නංවාලීම ඉතා ප්‍රශංසනීයයි."
AIA ඉන්ෂුවරන්ස් හි වෙලත් ප්ලෑනර්වරියක් වන කේ. පී සූරියආරච්චි මහත්මිය කියා සිටියේ "මේ නවතම MyPos ඇප් එක අපට රක්ෂණ අලෙවි ක්‍රියාවලිය වඩාත් පහසු කර තිබෙනවා. නව සේවාලභියෙකුහට සේවය සැලසීමේ දී අපගේ අත ළඟටම ගෙනවිත් ඇති මේ පහසුකම රක්ෂණ සැලසුමක් අලෙවියේ දී අවශ්‍යවන සියළුම අංග එක්තැනකට එක්කර ඇති පද්ධතියක් වන අතර අපට අපගේ සේවාලාභියා වෙත ඔවුනගේ මූල්‍යමය අවශ්‍යතාවයන්ට අනුව පෞද්ගලික වශයෙන් සේවය සැලසීමට අවස්ථාව උදාකර දී තිබෙනවා."
AIA ඉන්ෂුවරන්ස් හී නියෝජ්‍ය ප්‍රධාන විධායක නිලධාරී උපුල් විජේසිංහ මහතා කියා සිටියේ "ඩිජිටල්කරණය ඔස්සේ ඉන්ෂුවරන්ස් අලෙවිය සඳහා සරල ක්‍රමවේදයක් සකස් කිරීමට අප සමාගම තුල ඇති කැපවීම මෙම නව්‍ය විසදුම ඔස්සේ මනාව පිළිබිඹු වෙනවා. අපගේ අභ්‍යන්තර ක්‍රියාවලීන් වේගවත් මෙන්ම ගුණාත්මක බැවින් ඉහළ ස්ථානයකට ගෙනයාමට අප නිරතුරුව වෑයම් කරන අතර ඒ ඔස්සේ රක්ෂණය මිලදී ගැනීමේ දී සහ එය පවත්වාගෙන යාමේදී සේවාලාභියාහට සැමවිට පහසුව සැලසීමත් අප ඉතා වැදගත්කොට සලකනවා. මෙම නවතම ඩිජිටල්කරණ මෙවලම, සේවාලාභීන්ට ලබාදෙන සේවයේ ගුණාත්මක බව වඩාත් ඉහල තලයකට රැගෙන යාමට අපගේ බෙදාහැරීම් ජාලය පුරාවට විසිර සිටින අලෙවි බලකා සාමාජිකයින් සියළු දෙනාව සවිබල ගන්වනු ඇති."
AIA ඉන්ෂුවරන්ස් හි ප්‍රධාන තාක්ෂණ නිලධාරී උමේෂි ද ෆොන්සේකා සිය අදහස් ප්‍රකාශ කරමින් "මෙය ජාත්‍යන්තර තලයේ මෙවලමක්, මෙය අපගේ සමූහය තුළ අනෙකුත් වෙළෙඳපොල විශාල සංඛ්‍යාවක භාවිතා වන අතර ශ්‍රී ලංකා වෙළෙඳපොළ පරිසරයට සරිලන ආකාරයට සහ අපගේ සේවාලාභීන්හට මෙන්ම අපගේ අලෙවි බලකායට වඩාත් ප්‍රතිලාභ අත්කර දීමට හැකිවන පරිදි නිමවා තිබෙනවා. ශ්‍රී ලංකාවේ ප්‍රමුඛතම ජීවිත රක්ෂණ සම්පාදකයා වීමට ඇති අපගේ අරමුණ සාක්ෂාත් කරගැනීමට ඉදිරියේ දී ඩිජිටල්කරණය ප්‍රධාන සාධකයක් වනු ඇති බව අපගේ විශ්වාසයයි. AIA හි නව්‍ය ඩිජිටල්කරණ මෙවලම් අතරින් නවතම මෙවලම වන්නේ MyPoS ඇප් එකයි. මෙය මෙරට භාවිතා වන ප්‍රධාන භාෂා තුන ඔස්සේ ක්‍රියාත්මක වන අතර ඉතා පහසුවෙන් කාර්ය-ප්‍රවාහ, ලේඛණ කළමනාකරණ, ගෙවීම් මෙන්ම සේවාලාභී ද්වාරය නැතහොත් AIA customer portal එක වැනි අනෙකුත් සියළුම ප්‍රධාන පද්ධතීන් සමගින් ඒකාබද්ධ වී ක්‍රියා කරනවා. එමෙන්ම මෙය ස්වංක්‍රීය ප්‍රාරක්ෂණය, ක්ෂණික විස්තර විශ්ලේෂණ, වෙලත් ප්ලෑනර්වරුන්ගේ ප්‍රගතිය සොයා බැලීම මෙන්ම උසස් මූල්‍යමය විශ්ලේෂකයන්ගෙන් ද සමන්විතයි. දිවයින පුරා විසිර සිටින අපගේ අලෙවි බලකා සාමාජිකයින්හට භාවිතා කිරීමේ හැකියාව ඇති මෙම නිමැවුම මෙරට රක්ෂණ ක්ෂේත්‍රය තුල අලෙවි ක්‍රියාවලිය සඳහා නවතම මිනුම් දණ්ඩක් වනු නොඅනුමානයි. "
