සුවපත් සැපවත් ජීවිතයක් දිගුකාලයක් ගත කිරීමට හැමෝම කැමතියි. අපි හැමදේම කරන්නේ අපේ පවුලේ සතුට ආරක්ෂා කර ගැනීමටයි. එහෙත් ඕනෑම අවස්තාවකදී, අපේ ජීවිතවලට අප සැලසුම් නොකළ ආකාරයේ බාධාවන් ඇතිවිය හැකියි. එවන් අවස්ථාවක දී ජීවිත රක්ෂණ සැලසුමක් ලබාගෙන තිබීම ඔබේ පවුලට සිදුවන ආර්ථිකමය බලපෑම අවම කරගැනීමට හොඳම විසදුමක් වනු ඇති.
ජීවිත රක්ෂණ සම්පාදකයෙකු ලෙස AIA, ඔබගේ ආදරණීයයන්හට රැකවරණය සැලසීමේ වැදගත්කම පිළිබඳව හොදින් හඳුනාගෙන සිටියි. ජීවත්වන්නන් වෙනුවෙන් මූල්‍යමය සුරක්ෂිත බව ඇති කිරීම වඩාත් වැදගත්යැයි අප සිතන්නේ ඒ නිසාමයි. ශ්‍රී ලාංකිකයින් මූල්‍යමය වශයෙන් සුරක්ෂිත කිරීමේ AIA හි, අපේ ප්‍රයත්නය ක්‍රියාවට නංවමින් මෙරට ජනතාවට AIA සුව දිරිය ජීවිත රක්ෂණ සැලසුම හදුන්වා දෙන්නේ අසාධ්‍ය රෝගී තත්ත්වයකට කිසිදු බියකින් තොරව මුහුණ දීමේ ශක්තිය ලබාදීමටයි.
පිළිකාව සහ හෘදයාබාධ වැනි බරපතළ රෝගාබාධ වැළදීම පිළිබඳව අප සිත්තුල නිරන්තර බියක් පවතින අතර ඒවා අප කිසිවිටකත් සිතීමට පවා අකමැති රෝගී තත්ත්වයන්. එහෙත් යතාර්ථය වන්නේ ඕනෑම අවස්තාවකදී, ඕනෑම වයසකදී, ඕනෑම අයෙකුට කිසිම පෙර දැනුම් දීමකින් තොරව මෙවන් තත්ත්වයක් ඇතිවිය හැකි බවයි. එවැනි තත්ත්වයකට මුහුණ දීමට සිදු වුවහොත්, ඔබෙත් ඔබේ පවුලේත් ආර්ථිකයට එමගින් විශාල බලපෑමක් ඇතිවිය හැකියි.
අසාධ්‍ය රෝග තත්ත්වයකට මුහුණ දීමට සිදු වුවහොත් හොඳම වෛද්‍ය ප්‍රතිකාර ලබා ගැනීමට ඔබට අවශ්‍ය වනු ඇත. හොඳම වෛද්‍ය උපදෙස්, විශේෂඥ වෛද්‍ය වරුන්ගේ සේවය, හොඳම පහසුකම් සහ උපාංග ඇතුලත් රෝහලක ප්‍රතිකාර ගැනීම වැනි කරුණු මගින් රෝගය නිසියාකාරව සුව කරගැනීමේ අවස්ථාව ඔබට උදාවනු ඇත. එහෙත් මේ සියළු දේ සඳහා විශාල මුදලක් වැය කිරීමට සිදුවන අතර වසරින් වසරට ඉහළ යන රෝහල් සහ වෛද්‍ය ගාස්තුවල උද්ධමනය හේතුවෙන් වෛද්‍ය වියදම් අධික ලෙස වැඩි විය හැකිය.
අසාධ්‍ය රෝගයකට මුහුණ දීමට සිදු වුවහොත්, එමගින් පැන නැගෙන ආර්ථික අස්ථාවර භාවයට ශක්තිමත්ව මුහුණ දීමට හැකියාව ලබාදෙන මෙම නවතම ජීවිත රක්ෂණ විසදුම AIA රක්ෂණ සමාගම විසින් හදුන්වා දී තිබේ. AIA සුව දිරිය ජීවිත රක්ෂණ සැලසුම මගින් ඔබව මූල්‍යමය වශයෙන් සුරක්ෂිත කරනවා පමණක් නොව යම් හෙයකින් ඔබට මෙවන් අසාධ්‍ය රෝගී තත්ත්වයකට මුහුණ දීමට සිදු වුවහොත් සිදුවන ආර්ථික අපහසුතා පිළිබඳව කරදර නොවී රෝගී තත්ත්වය සුව අතට හරවා ගැනීමට සිත් යොමු කරමින් ඔබට වඩාත් වටිනා ඔබේම ආදරණීයයන් සමගින් වැඩි කාලයක් ගතකිරීමට හැකියාව උදාකර දෙයි.
AIA සුව දිරිය, මෙරට වඩාත් සුලභව වැළදෙන බෝ නොවන රෝග වන පිළිකාව, හෘදයාබාධ, ආඝාදය සහ වකුගඩු අකර්මණ්‍ය වීම යන අසාධ්‍ය රෝග ආවරණය කරමින් ශ්‍රී ලංකාවේ ප්‍රථම වරට හදුන්වාදෙන ලද සෞඛ්‍ය සහ ජීවිත රක්ෂණ සැලසුමයි. මෙම රක්ෂණ සැලසුම මගින් සාම්ප්‍රදායික රක්ෂණ සැලසුම් මගින් ආවරණය නොකරන අසාධ්‍ය රෝග ඝනයට අයත් ඇතැම් පූර්ව පිළිකා අවස්තාවන් සහ හෘදය ආශ්‍රිත සුළු ආබාධිත තත්ත්වයන් ද ආවරණය කරයි. ඊට අමතරව සේවාලාභියා හට ආරථික අපහසුතාවයන් මගහැර ගැනීමට හැකියාව ලබා දෙමින් අසමසම ප්‍රතිලාභ රාශියක් මෙම රක්ෂණ සැලසුම මගින් සහතික කරයි. උදාහරණයක් ලෙස “සුවපත් වීමේ ප්‍රතිලාභය”(Recovery Benefit)එනම් අසාධ්‍ය රෝගී තත්ත්වයකට මුහුණ දී නැවත යථා තත්ත්වයට පත්වීමේ කාලය අතරතුර ඔබට ඇතිවිය හැකි අනපේක්ෂිත වියදම් පියවා ගැනීම සඳහා මාසික ගෙවීමක් ලෙස ලබාදෙන ප්‍රතිලාභයකි. එමෙන්ම “වාරික නොගෙවීමේ ප්‍රතිලාභය”(Premium Waiver Benefit) අසාධ්‍ය රෝගයකට මුහුණ දීමට සිදු වුවහොත් ඔබට කිසිම මූල්‍යමය ගැටලුවකට මුහුණ නොදී නැවත යථා තත්ත්වයට පත්වීමට සිතයොමුකර සිටීමටත්, රක්ෂණ කාල සීමාව අවසානය දක්වා වාරික නොගෙවා සිටීමටත් මෙම ප්‍රතිලාභය ඔස්සේ හැකියාව ලැබේ. එමෙන්ම ඔප්පු කාල සීමාව ඇතුලත ඔබ කිසියම් ආකාරයක හිමිකම් පෑමක් සිදු කර නැතිනම් ඔබට “හිමිකම් නොපෑමේ ප්‍රතිලාභය”(No Claim Benefit)ලබාගත හැකි අතර එමගින් ඔබගේ ප්‍රතිලාභ වටිනාකම වැඩිවනු ඇත. ඔබ රක්ෂණ හිමිකම් පෑමක් සිදුනොකරන තෙක් සෑම වසරක් පාසා ඔබේ අසාධ්‍ය රෝග ප්‍රතිලාභය හා ජීවිත ප්‍රතිලාභය 10% කින් වැඩිවන අතර ආරම්භක ප්‍රතිලාභ වටිනාකම මෙන් 150% වූ උපරිමයක් දක්වා හෝ ඔබ හිමිකම් පෑමක් සිදුකරන අවස්ථාව දක්වා මෙම වැඩිවීම සිදුවේ. ඔබ අනපේක්ෂිත ලෙස වියෝ වුවහොත් ඔබ තෝරාගත් ජීවිත ප්‍රතිලාහය ඔබේ ආදරණීයයන් වෙත හිමි වේ.
පුළුල් පරාසයකින් යුත් ආවරණ රාශියක් ලබාදෙන, AIA සුව දිරිය ඔබට ඔබේ අවශ්‍යතාවයට ගැලපෙන පරිදි රක්ෂණ සැලසුමක් තෝරාගැනීමේ හැකියාව ලබා දෙයි. එමෙන්ම AIA රක්ෂණ සමාගම විසින් මේ වසරේ අලෙවි කරන සෑම රක්ෂණ ඔප්පුවක් සඳහාම රු.100/- ක මුදලක් ශ්‍රී ලංකා පිළිකා සංගමයට පරිත්‍යාග කිරීමට පොරොන්දු වී සිටියි. වැඩි විස්තර සඳහා කරුණාකර 0112310310 ඔස්සේ AIA රක්ෂණ සමාගම අමතන්න.
