AIA රක්ෂණ සමාගමේ 2 වන Premier Agency Circle (PAC) මෙට්‍රෝ කාර්යාලය නොබෝදා කොළඹ 7, AIA Tower හි පිහිටි සමාගමේ ප්‍රධාන කාර්යාල ගොඩනැගිල්ලේ දී විවෘත කරන ලදී. මෙම PAC කාර්යාලයන් විවෘත කරන්නේ පූර්ණ කාලීන අලෙවි බලකායක් ඇති කිරීමේ අරමුණ ඇතිවයි. රක්ෂණ සමාගමක් තුල පූර්ණ කාලීන අලෙවි කරුවන් බඳවා ගැනීම නවතම සංකල්පයක් වන අතර AIA රක්ෂණ සමාගම ඉතාමත් ක්‍රමානුකූල ආකාරයක් ඔස්සේ තෝරාගන්නා මෙම අලෙවි කරුවන් විශේෂ වූ පුහුණු සහ කළමනාකරන වැඩසටහනකට යොමුකරන අතර එමගින් කෙටි කාලයක් තුලදී මිලියන් ඩොලර් වටමේස සාමාජිකත්වය(MDRT) සඳහා ඔවුන්ව සූදානම් කරනු ලබයි. MDRT සාමාජිකත්වය යනු රක්ෂණ අලෙවි වෘතිකයෙකු හට අත්පත් කරගත හැකි ඉහලම සුදුසුකමයි. මෙම PAC කාර්යාල ඔස්සේ ගුණාත්මක බවින් සහ කණ්ඩායම් හැගීමෙන් ඉහල අලෙවි කරුවන් පිරිසක් බිහි කිරීමට සමාගම අපේක්ෂා කරයි.
AIA රක්ෂණ සමාගමේ ප්‍රධාන විධායක නිලධාරී නිකිල් අද්වානි මහතා අදහස් දක්වමින් අප විසින් බඳවා ගන්නා මෙම අලෙවිකරුවන් පිරිසට, නවතම තාක්ෂනය භාවිතා කරමින්, කඩදාසි භාවිතයෙන් තොර ඔවුන් වෙනුවෙන්ම විශේෂයෙන් නිම වූ පුහුණු මධ්‍යස්ථානයක පුහුණුවීම ලබා දෙනවා”.. එමෙන්ම AIA හි මෙම PAC අලෙවි බලකාය පූර්ණ කාලීන අලෙවි කරුවන් යන සංකල්පයේ පුරෝගාමී කණ්ඩායම බවටත් පත්ව සිටිනවා” යැයි කියා සිටියේය.
නියෝජ්‍ය ප්‍රධාන විධායක නිලධාරී උපුල් විජේසිංහ මහතා කථා කරමින් “ MDRT idudðlhska අගයෙන් ඉහළ ව්‍යාපාර ප්‍රමාණයක් ජනනය කරන අතරම අති විශිෂ්ට වෘත්තීය දැනුම, මනා සදාචාරාත්මක හැසිරීම සහ අසමසම සේවාලාභී සත්කාරය ද විදහා දැක්විය යුතු වෙනවා. AIA රක්ෂණ සමාගම අඛණ්ඩව පසුගිය වසර 4 පුරාවට ශ්‍රී ලංකාවේ වැඩිම MDRT idudðlhska පිරිසක් බිහි කිරීමට සමත්වීම විශේෂයෙන් සඳහන් කල යුතු වෙනවා. එහෙත් අපගේ වටිනා සේවලාභීන්හට වඩාත් ගුණාත්මක සේවාවක් සැපයීම තහවුරු කිරීම සඳහා විශිෂ්ට ඝණයේ අලෙවි බලකායක් ගොඩනගා ගැනීම අපගේ අපේක්ෂාවයි. මෙම පූර්ණ කාලීන අලෙවි බලකාය නිර්මාණය කිරීමේ නවතම සංකල්පය, සේවාලාභී කේන්ද්‍රික සමාගමක් ලෙසින් අපගේ කඩිනම් ඉදිරි ගමන වෙනුවෙන් ගන්නා ලද මහඟු පියවරක් ලෙස හදුන්වන්න පුළුවන්.
