AIA රක්ෂණ සමාගම මේ වසරේ මිලියන් ඩොලර් වටමේසය (MDRT) සදහා ශ්රී ලංකාවෙන් සමස්ත වශයෙන් 63කින් සමන්විත වැඩිම සුදුසුකම්ලාභීන් පිරිසක් ඉදිරිපත් කිරීමට සමත් විය. වෙල්ත් ප්ලෑනර්වරුන් 48කින් සහ බෑන්ක්ඇෂුවරන්ස් විධායකයින් 15කින් සමන්විත මේ විශිෂ්ටයින් පිරිස විසින් සනාථ කරනු ලැබ ඇත්තේ මෙරට විශිෂ්ටතම රක්ෂණ උපදේශක පිරිස AIA සතු බවය.
ජීවිත රක්ෂණ සහ මූල්‍ය සේවා ක්ෂේත්‍රයේ විශිෂ්ටත්ව ප්‍රමිතිය ලෙස මිලියන් ඩොලර් වටමේසය (MDRT) ජාත්‍යන්තර වශයෙන් පිළිගැනෙයි. එහි සාමාජිකත්වයට සුදුසුකම් ලැබීමට ඉහළ මට්ටමක වාරික සහ ආදායම් උත්පාදනයක් ඇති කරමින් සුවිශේෂී වෘත්තීය දැනුමක්, දැඩි සදාචාරාත්මක කි‍්‍රයාකාරීත්වයක් සහ කැපීපෙනෙන සේවාදායක සේවාවක් පෙන්නුම් කළ යුතු වෙයි.
MDRT සුදුසුකම් ලැබූවන් සමග විශේෂ දිවාභෝජන සංග‍්‍රහයකට සහභාගී විීම සදහාම පසුගියදා ශ්රී ලංකාවට පැමිණි AIA සමූහයේ ප්‍රධාන විධායක සහ සභාපති මාර්ක් ටකර් මෙම අතිවිශිෂ්ටයින්හට පෞද්ගලිකවම සුබපැතුවේය. මෙම ඇගයීමල ශ්රී ලංකා රක්ෂණ ක්ෂේත්‍රය තුළ වැඩිම MDRT සාමාජිකයින් පිරිසක් සතු කණ්ඩායම බවට AIA පත්කිරීමට සහාය ලබාදුන් අපගේ විශිෂ්ට උපදේශකයින් උදෙසා පිරිනැමුණු ගෞරවයකි.
මේ පිළිබදව අදහස් දක්වමින් AIA ශ්රී ලංකා හි ප්‍රධාන විධායක නිලධාරී ෂා රූෆ් මෙසේ පැවැසීය: ශ්රී ලංකාව පුරා විසිරී සිටින අපගේ සියඵම සේවාලාභීන් සදහා ඉහළම මට්ටමේ වෘත්තීය සේවාවක් ලබාදීම සම්බන්ධයෙන් අපේ උපදේශකයින් පිළිගැනීමට ලක්ව සිටින අතර, මේ ජයග්‍රහණය එය යළි තහවුරු කිරීමක්. ඉහළ ගුණාත්මක බවින් යුතු පුහුණු වැඩසටහන් ලබාදීම, ක්‍රමවත් බදවාගැනීම් සහ විශිෂ්ටතා පෙන්නුම් කරන දක්ෂයින් රදවාගැනීම මෙන්ම උසස් මට්ටමේ කාර්්‍යක්ෂමතාව සහ ඵලදායීතාව සදහා වඩාත්ම දියුණු ශිල්පීය ඥානය සහ අලෙවි මෙවලම් සැපයීම මගින් ඔවුන්ගේ වැඩිදියුණුව සලසන්නට අප අඛණ්ඩව කටයුතු කරනවා.
නියෝජ්‍ය ප්‍රධාන විධායක නිලධාරී උපුල් විජේසිංහ අදහස් දක්වමින්, ‘‘අප නියැළී සිටින්නෙ සේවාලාභීන්ට සිය පවුලේ ආදරණීයයන්ට රැුකවරණය සැලසීම, හොදම සෞඛ්‍ය සේවාවන් ලබාගැනීම හෝ විශ්රාම දිවිය සුවපහසුව ගත කිරීම යන මේ කරුණු සපුරාගැනීම සදහා ඔවුන් සතුව දැනට ඇති ආදායම් වෙනුවට ඔවුන්ට අවශ්‍ය වන ආදායම් ලබාගැනීම සදහා සහාය වන්නා වූ ක්ෂේත්‍රයක. මෙය පහසු කටයුත්තක් නොවන අතර, ඒ සදහා කැපවෙමින් ජනතාවගේ ජීවිතවලට යහපත් බලපෑමක් ඇති කරන්නට පමණක් නොව, මෙරට විශිෂ්ටතමයින් ලෙස ඇගයීමට ලක් වන්නට පවා අපේ රක්ෂණ උපදේශකයින් සමත් වී තිබීම සැබැවින්ම ප්‍රශංසනීයයි’’.
ක්ෂේත්‍රයේ පවතින ප්‍රමිතීන්ට වඩා ඉහළ ස්ථානයකට සිය උපදේශකයින් ගෙන යන පුහුණු වැඩසටහන් සහ නව තාක්ෂණ ශිල්ප ක්‍රම සදහා විශාල වශයෙන් ආයෝජනය කරන AIA, සේවාලාභී අත්දැකීම ඉහළ නැංවීමටද සෑම අයුරින්ම කැපවී කටයුතු කරයි. විශිෂ්ට MDRT කණ්ඩායමට බැදෙමින් සැබෑ වෙනසක් නිර්මාණය කිරීම සදහා AIA සමග එක්ව වැඩ කරන්නට ඕනෑකම හා හැකියාව ඇති උපදේශකයින් සදහා AIA හි දොරටු සැමවිටම විවෘතය.
