ශ‍්‍රී ලංකා ක‍්‍රිකට් වෙත AIA  ඉන්ෂුවරන්ස්හි රැකවරණය හිමි වේ

2015 මාර්තු මස 16 වැනි දින කොළඹදී: ශ්‍රී ලංකාව එකම ජාතියක් වශයෙන් එක්ව බැඳෙන්නා වූ යමක් පවතී නම් ඒ ක්‍රිකට් ක්‍රීඩාවයිි. එය දිවයිනේ සියළු දෙනා එක්ව නරඹන සැම දෙනාම අගය කරන්නාවූ කණ්ඩායම් ක්‍රීඩාවකි . ශ්‍රී ලංකා ක්‍රිකට් යනු නිසැකවම අපගේ අනර්ඝතම ජාතික වත්කම් වලින එකකි.

ජාතියට අභිමානයක් වූ අපගේ ක්‍රිකට්  කණ්ඩායම  සුරැකීමේ අරමුණින්   යුතුව AIA ඉන්ෂුවරන්ස් ඓතිහාසික වූ සහයෝගීතාවයකට එළඹියේ  ශ්‍රී ලංකා ක්‍රිකට්හි නිල රක්ෂණ සහකරු වශයෙනි. මෙම සහයෝගීතාවය යටතේ AIA ඉන්ෂුවරනස් වසර තුනක කාල සීමාවක් සඳහා ප්‍රිමියර්  සීමිත ඕවර තරඟාවලියෙහි සහ ප්‍රිමියර්  ලීග් තරඟාවලියෙහි නිල ලාංඡුන අනුග්‍රාහකයා බවට පත් වේ. මෙම සහයෝගීතාවය AIA ඉන්ෂුවරන්ස් සහ ශ්‍රී ලංකා ක්‍රිකට් යන දෙපාර්ශවයටම සුවිශේෂී එකඟතාවයකි.

’‘ක්‍රිකට් ක්‍රීඩාව වෙත අප හදවතේ සුවිශේෂී ස්ථානයක් හිමි වන අතර සැබෑ ජීවිතය හඳුනන රක්ෂණ සමාගමක් වශයෙන් අප මෙම සහයෝගීතාවය වෙත එළැඹියේ සියළු ශ්‍රී ලාංකිකයින් හට අතිශය වැදගත් වන අපගේ ක්‍රිකට් ශූරයින් වෙත රැකවරණය සැලසීමේ අරමුණින් බව පැවසිය යුතුයි.’’ යනුවෙන් AIA  ඉන්ෂුවරන්ස් ශ්‍රී ලංකාහි ප්‍රදාන විධායක නිලධාරී ෂා රූෆ් පැවසීය. ’‘එමෙන්ම මෙය අපගේ මෙහෙයුම් චාරිකාවේ වැදගත් සන්ධිස්ථානයක් සනිටුහන් කරන අතර මෙමගින් ශ්‍රී ලාංකික ජන හදවත් තුළ නොමැකෙන සිහිවටනයක් ජනිත කිරීම අපගේ අපේක්ෂාවයි” යනුවෙන් හෙතෙම තවදුරටත් ප්‍රකාශ කලේය.

ශ්‍රී ලංකා ක්‍රිකට් කණ්ඩායමේ නායක ඇන්ජලෝ මැතිව්ස් මේ සම්බන්ධයෙන් මෙසේ සිය අදහස් දැක්වීය. ‘‘ශ්‍රී ලංකා ක්‍රිකට් කණ්ඩායමේ අප සියළු දෙනාල AIA ඉන්ෂුවරන්ස් අපගේ නිල රක්ෂණ සමාගම ලෙස ඉමහත් සතුටින් පිළිගන්න අතර ඔවූන් සමග අනාගතයේ දී සවිමත් සබදතාවයක ගොඩනගා ගැනීමට අපේක්ෂා කරනවා.’’